Hyfforddiant

Gweithredu Llwybr Ymateb i Gam-drin Plant yn Rhywiol yn Ymarferol

Mae’r weminar hon yn helpu gweithwyr proffesiynol i ddysgu sut i ddechrau defnyddio’r Llwybr Ymateb yn ymarferol, ac yn eu grymuso i ddeall y rôl y gallant hwy a’u cydweithwyr ei chwarae er mwyn diogelu a chefnogi plant yn y ffordd orau bosibl. Mae’r sesiwn yn cynnig cyngor ac enghreifftiau o sut i ddefnyddio’r Llwybr Ymateb ac yn egluro sut y mae’n cefnogi gweithwyr proffesiynol i ddiwallu anghenion plant a’u teuluoedd.

Yn dilyn y weminar, gallwch ddisgwyl cael:

• Dealltwriaeth dda o’r canllawiau a’r adnoddau sydd ar gael drwy gydol y Llwybr Ymateb, a sut y gall eu defnyddio eich cefnogi yn eich gwaith
• Dealltwriaeth o sut mae partneriaethau diogelu plant lleol eraill wedi defnyddio’r Llwybr Ymateb, a’r camau y maent wedi’u cymryd i’w ymgorffori mewn ymarfer amlasiantaethol
• Syniad clir o’r camau y gallwch eu cymryd i ddechrau defnyddio’r Llwybr Ymateb i gefnogi naill ai eich ymarfer unigol eich hun neu ymarfer ehangach ar draws eich asiantaeth neu bartneriaeth, ynghyd ag ymwybyddiaeth o’r cymorth pellach sydd ar gael drwy’r Ganolfan Cam-drin Plant yn Rhywiol (CSA Centre)

10/11/2026, 09:30–11:00 (Hyfforddiant Rhithwir)

Arwyddion a Dangosyddion Cam-drin Plant yn Rhywiol

Bydd y sesiwn hon yn cyflwyno gweithwyr proffesiynol i’r Templed Arwyddion a Dangosyddion ac yn rhoi cyfle iddynt ei ddefnyddio’n ymarferol. Ei nod yw rhoi’r wybodaeth, y sgiliau a’r hyder i weithwyr proffesiynol sy’n gweithio gyda phlant weithredu pan fydd ganddynt bryderon am blentyn.

Yn dilyn y weminar, gallwch ddisgwyl cael:

• Dealltwriaeth o’r Templed Arwyddion a Dangosyddion a sut i’w ddefnyddio’n ymarferol
• Y gallu i adeiladu darlun o bryderon pan fyddwch yn poeni bod plentyn yn cael ei gam-drin yn rhywiol, neu wedi cael ei gam-drin yn rhywiol
• Mwy o wybodaeth am arwyddion emosiynol, ymddygiadol a chorfforol cam-drin rhywiol ac ymddygiad rhywiol camdriniol, yn ogystal â’r ffactorau sy’n cynyddu bregusrwydd plant i’r math hwn o niwed
• Mwy o hyder wrth adnabod, trafod, archwilio a chyfleu pryderon bod plentyn yn cael ei gam-drin yn rhywiol

11/11/2026, 09:00– 10:30 (Hyfforddiant Rhithwir)

Siarad â Phlant am Gam-drin Rhywiol

Nod y weminar hon yw helpu i roi’r wybodaeth a’r hyder i weithwyr proffesiynol weithredu, gan ddefnyddio Canllaw’r Ganolfan Cam-drin Plant yn Rhywiol (CSA Centre) ar Gyfathrebu â Phlant.

Yn dilyn y weminar, gallwch ddisgwyl cael:

• Dealltwriaeth dda o sut y gall y Canllaw Cyfathrebu â Phlant eich cefnogi yn eich gwaith
• Mwy o ymwybyddiaeth a dealltwriaeth o’r rhwystrau y mae plant yn eu hwynebu wrth ddatgelu camdriniaeth
• Gwell dealltwriaeth o’r ymddygiadau proffesiynol a all roi’r hyder i blant siarad am eu profiadau
• Mwy o wybodaeth a hyder ynglŷn â sut i ymateb pan fydd plentyn yn datgelu ei fod wedi cael ei gam-drin

11/11/2026, 11:00–12:30 (Hyfforddiant Rhithwir)

Hyfforddiant Codi a Chario

Bydd y cyrsiau yn cael eu cynnal yn yr ystafell hyfforddi codi a chario ym Mhenmorfa, Aberaeron, a byddant yn cael eu cyflwyno yn unol â Chynllun Pasbort Codi a Chario Cymru Gyfan (AWMHPS) Cymdeithas Llywodraeth Leol Cymru (WLGA).

Hyfforddiant ar gael:

Hyfforddiant Pasbort Codi a Chario (Pobl) 2 Ddiwrnod

06/10/2026 a 07/10/2026, 09:15–16:00

03/11/2026 a 04/11/2026, 09:15–16:00

09/12/2026 a 10/12/2026, 09:15–16:00

Hyfforddiant Diweddaru Codi a Chario 

29/09/2026, 09:15–16:00

14/10/2026, 09:15–16:00

11/11/2026, 09:15–16:00

02/12/2026, 09:15–16:00

Hyfforddiant Asesiadau Risg Codi a Chario (Yr Hanfodion)

05/11/2026, 09:15–16:00

Hyfforddiant Codi a Chario Pethau Difywyd

03/12/2026, 09:15–12:30

Gweithdai Datblygiad Proffesiynol Parhau Codi a Chario
Am ddim i unigolion sydd wedi cwblhau’r hyfforddiant Pasbort Codi a Chario 2 Ddiwrnod gyda Chyngor Ceredigion.

22/10/2026, 13:00–16:00

01/12/2026, 13:00–16:00

Mae rhagor o wybodaeth am y cyrsiau a’r ffioedd ar gael yma. Bydd rhaid talu ffioedd ymlaen llaw i sicrhau lle ac ni ellir eu had-dalu.

Ymwybyddiaeth Oedran a Gwahaniaethu ar Sail Oedran

Mae hyfforddiant Ymwybyddiaeth Oedran Age Cymru wedi’i ddatblygu ar gyfer y rhai sy’n siarad â phobl hŷn yn rheolaidd trwy eu gwaith i wella’r profiad o’r gwasanaeth. Bydd yr hyfforddiant hwn yn eich arfogi chi â’r offerynnau a’r mewnwelediadau i wella eich gwasanaeth ar gyfer cleientiaid hŷn ac yn eich cefnogi i wneud eich gwasanaeth yn fwy cynhwysol a chroesawgar.

Amcanion:

• Diffinio rhagfarn oedran a gwahaniaethu ar sail oedran
• Adnabod rhwystrau a all achosi gwahaniaethu ar sail oedran ac atal pobl hŷn rhag cyflawni cydraddoldeb oedran
• Archwilio ymwybyddiaeth oedran a gwasanaethau cwsmeriaid

02/12/2026, 14:00–16:00 (Hyfforddiant Rhithwir)

Hyfforddiant Gofal Cathetr a Stoma

Mae’r hyfforddiant hwn ar gyfer staff gofal cymdeithasol anghlinigol sy’n gweithio gydag oedolion neu gyda phlant (h.y. gofal yn y cartref, cartrefi gofal preswyl a gweithwyr cymorth).

Bydd y cwrs hwn yn cwmpasu:

• Gwybodaeth ynghylch gosod, atal a rheoli heintiau stoma
• Gwybodaeth ynghylch gosod, atal a rheoli heintiau cathetrau
• Gweithdai ymarferol ar atal heintiau, gofal a gosod bagiau stoma
• Gweithdai ymarferol ar newid bagiau cathetr, gosod bagiau ac atal heintiau

16/10/2026, 10:00–12:30, Ystafell Ystwyth – Penmorfa, Aberaeron

Gofal o ran Anymataliaeth a Briwiau Pwyso

Bydd y cwrs yn ymdrin ag agweddau sylfaenol anymataliaeth, beth ydyw, pam ei fod yn digwydd a sut yr ydym yn gofalu am gleientiaid sy’n anymataliol.

Bydd y gofal ar gyfer briwiau pwyso yn trafod beth yw briwiau pwyso, sut mae cleientiaid yn eu datblygu, beth yw’r risgiau i’r cleient a beth all gofalwyr ei wneud i’w hatal rhag digwydd.

Amcanion:

• Deall anymataliaeth
• Sut allwn ni helpu cleient sy’n anymataliol
• Beth yw briwiau pwyso
• Sut mae briwiau pwyso yn datblygu
• Sut allwn ni atal briwiau pwyso rhag digwydd

16/10/2026, 13:00–15:30, Ystafell Ystwyth – Penmorfa, Aberaeron

Diogelu Oedolion Grŵp B

Amcan y sesiwn hon yw ymhelaethu ar yr hyn a ddysgoch chi ar y cwrs eDdysgu Diogelu Grŵp A. Mae’r cwrs hwn ar gyfer pob aelod o staff sy’n gweithio gydag oedolion sydd ag anghenion gofal a chymorth ac sydd â dyletswydd i’w diogelu nhw.

Mae pob ymarferwyr Grŵp B yn cael cyswllt rheolaidd gydag plant ac aelodau’r cyhoedd yn eu rolau. Mae hyn yn cynnwys ymarferwyr sydd wedi neu heb gofrestru neu heb reoleiddio a gwirfoddolwyr. Ymarferwyr Grŵp B yw’r rhai sy’n treulio amser gyda phobl mewn lleoliad grŵp neu ar sail un i un. Bydd ganddynt gyfrifoldeb penodol mewn perthynas â’r bobl y maent yn gweithio gydag. Oherwydd eu gwaith uniongyrchol â phobl, bydd angen lefel uwch o wybodaeth arnynt i gymharu â’r rhai yng Ngrŵp A. Efallai y bydd gan y bobl bryderon diogelu neu beidio.

Amcanion:

• Datblygu eich dealltwriaeth o Ddiogelu a gallu disgrifio sut i weithio mewn ffyrdd sy’n diogelu pobl rhag camdriniaeth, niwed ac esgeulustod
• Datblygu dealltwriaeth o waith Person-Ganolog
• Egluro ffactorau, sefyllfaoedd a gweithredoedd a allai arwain neu gyfrannu at gamdriniaeth, niwed ac esgeulustod
• Deall deddfwriaeth, polisïau cenedlaethol, codau ymddygiad ac ymarfer proffesiynol ym maes diogelu
• Deall eich cyfrifoldebau cyfreithiol
• Gwybod sut i adnabod ac adrodd ar wahanol fathau o gamdriniaeth, niwed ac esgeulustod
• Gwybod â phwy i gysylltu am gyngor a chymorth

Sylwch y bydd angen i’r rhai sy’n mynychu adnewyddu’r hyfforddiant hwn bob 3 blynedd.  

21/10/2026, 09:30–15:30 (Hyfforddiant Rhithwir)

17/11/2026, 09:30–15:30 (Hyfforddiant Rhithwir)

Diogelu Plant Grŵp B

Mae pob ymarferwyr Grŵp B yn cael cyswllt rheolaidd gydag plant ac aelodau’r cyhoedd yn eu rolau. Mae hyn yn cynnwys ymarferwyr sydd wedi neu heb gofrestru neu heb reoleiddio a gwirfoddolwyr. Ymarferwyr Grŵp B yw’r rhai sy’n treulio amser gyda phobl mewn lleoliad grŵp neu ar sail un i un. Bydd ganddynt gyfrifoldeb penodol mewn perthynas â’r bobl y maent yn gweithio gydag. Oherwydd eu gwaith uniongyrchol â phobl, bydd angen lefel uwch o wybodaeth arnynt i gymharu â’r rhai yng Ngrŵp A. Efallai y bydd gan y bobl bryderon diogelu neu beidio.

Amcanion:

• Deall deddfwriaeth, polisïau cenedlaethol, codau ymddygiad ac ymarfer proffesiynol wrth ddiogelu a’ch cyfrifoldebau cyfreithiol
• Gwybod sut i adnabod ac adrodd ar wahanol fathau o gamdriniaeth ac esgeulustod
• Dysgu am ein dyletswyddau mewn perthynas â diogelu a’r broses atgyfeirio
• Datblygu eich dealltwriaeth o ddiogelu a gallu disgrifio sut i weithio mewn ffyrdd sy’n diogelu plant a phobl ifanc rhag camdriniaeth, niwed ac esgeulustod
• Deall beth yw dull sy’n canolbwyntio ar y plentyn
• Gwybod gyda phwy i gysylltu am gyngor a chefnogaeth

Sylwch y bydd angen i’r rhai sy’n mynychu adnewyddu’r hyfforddiant hwn bob 3 blynedd.  

22/10/2026, 09:30–15:30 (Hyfforddiant Rhithwir)

18/11/2026, 09:30–15:30 (Hyfforddiant Rhithwir)

Cyflwyniad i Fudd-daliadau Lles i bobl 16 – 25 oed

Bydd y cwrs hwn yn cynnwys:

• Pam mae yna wahanol gategorïau o fudd-daliadau
• Strwythur y system fudd-daliadau, gan gynnwys cardiau allweddol ar gyfer dros 20 o fudd-daliadau
• Meini prawf yr hawl i gael y prif fudd-daliadau gan gynnwys Lwfans Ceisio Gwaith, Lwfans Cyflogaeth a Chymorth, Cymhorthdal Incwm, Budd-dal Tai ar Dreth Gyngor, Credyd Treth Plant a Threth Gwaith, Credyd Cynhwysol a Thaliadau Annibyniaeth Personol (PIP)
• Hawliadau ac apeliadau dilys
• Uchafu budd-daliadau; budd-daliadau a phremiymau heb eu hawlio’n ddigonol
• Sut i atgyfeirio achosion a darparu gwybodaeth am lwybrau atgyfeirio.
• Cipolwg ar strwythur y system fudd-daliadau
• Yn gryno, y prif newidiadau i fudd-daliadau dros y flwyddyn ddiwethaf; cipolwg ar newidiadau arfaethedig i’r budd-daliadau; Problemau budd-daliadau cyffredin ac amserol y bydd eich cleientiaid yn eu profi
• Trosolwg o Gredyd Cynhwysol a Thaliadau Annibyniaeth Personol

12/11/2026, 09:45–16:00 (Hyfforddiant Rhithwir)

Deall Eiriolaeth Broffesiynol Annibynnol

Os ydych chi’n cynorthwyo pobl sy’n wynebu rhwystrau i siarad drostynt eu hunain ac sy’n wynebu prosesau asesu, cynllunio, adolygu neu ddiogelu (fel oedolion neu rieni) o ran eu gofal cymdeithasol a’r gefnogaeth a ddarperir iddynt, neu fod cwyn ddiweddar am unrhyw un o’r rhain, mae angen i chi ddeall gwaith Gwasanaeth Eiriolaeth Broffesiynol Annibynnol y Tair Sir.

Trwy fynychu’r sesiwn gwybodaeth hon, cewch wybod mwy am y gwasanaeth rhad ac am ddim a chyfrinachol hwn, beth yw eiriolaeth annibynnol, sut y gall helpu’r bobl rydych chi’n eu cynorthwyo, a sut y gallwch gyfeirio rhywun at y gwasanaeth.

20/10/2026, 09:30–10:30 (Hyfforddiant Rhithwir)

20/10/2026, 09:30–10:30 (Hyfforddiant Rhithwir, Cyfrwng Cymraeg)

Cyflwyniad i Brofiadau Niweidiol yn ystod Plentyndod gan ddefnyddio Realiti Rhithwir

Mae’r hyfforddiant hwn wedi ei anelu at staff rheng flaen sy’n gweithio gyda phobl a allai fod wedi cael profiadau niweidiol yn ystod plentyndod.

Drwy ymgolli yn y Realiti Rhithwir bydd modd i chi brofi effaith y profiadau niweidiol hyn drwy lygaid y plentyn er mwyn medru diwallu ei anghenion yn well.

Os nad ydych wedi profi pensetiau VR o’r blaen, peidiwch â phoeni, rydym wedi neilltuo amser i wneud yn siŵr fod pawb yn gallu arfer â’u defnyddio nhw.

Nod yr hyfforddiant yw:

• Eich helpu i ddeall beth yw Profiadau Niweidiol yn ystod Plentyndod
• Deall yr effaith a gaiff Profiadau Niweidiol yn ystod Plentyndod ar faban yn y groth, plentyn, oedolyn ifanc ac ymlaen i oedolyn llawn dwf
• Ystyried sut ddylai hyn effeithio ar eich arfer yn y gwaith  

23/09/2026, 09:30–12:30, Ystafell Caron – Penmorfa, Aberaeron

Arferion sy’n Ystyriol o Drawma gan ddefnyddio Realiti Rhithwir

Cyn mynychu’r hyfforddiant hwn mae’n rhaid eich bod wedi cwblhau’r cwrs Cyflwyniad i Brofiadau Niweidiol yn Ystod Plentyndod gan ddefnyddio Realiti Rhithwir.

Mae’r hyfforddiant hwn wedi ei anelu at staff rheng flaen sy’n gweithio gyda phobl a allai fod wedi profi trawma.

Drwy ymgolli yn y Realiti Rhithwir bydd modd i chi brofi effaith y trawma drwy lygaid y plentyn a’r person ifanc er mwyn medru diwallu ei anghenion yn well a defnyddio Arferion gwaith sy’n Ystyriol o Drawma yn eich rôl.

Nod yr hyfforddiant yw:

• Eich helpu i ddeall beth yw Arferion gwaith sy’n Ystyriol o Drawma
• Deall yr effaith a gaiff Trawma ar blant ac oedolion
• Sut i weithredu’r arferion yn y gwaith  

23/09/2026, 13:00–16:00, Ystafell Caron – Penmorfa, Aberaeron

Cyfryngau Cymdeithasol, Plant a Phobl Ifanc gan ddefnyddio Realiti Rhithwir

Bydd yr hyfforddiant hwn yn cynyddu eich dealltwriaeth o’r problemau y mae plant a phobl ifanc yn eu hwynebu ar-lein.

Bydd yr hyfforddiant hwn yn edrych ar:

• Seiberfwlio
• Teimlo wedi’u llethu
• Gweld cynnwys gofidus a niweidiol
• Cael eu dylanwadu gan agweddau negyddol
• Caethiwed i hapchwarae a gamblo
• Archwilio sut y gallwn gefnogi ein plant a’n pobl ifanc orau

24/09/2026, 09:30–15:30, Ystafell Caron – Penmorfa, Aberaeron

Ymwybyddiaeth o Droseddau sy’n ymwneud â Chyllyll gan ddefnyddio Realiti Rhithiwr

Mae’r hyfforddiant hwn yn defnyddio profiadau realiti rhithiwr i gefnogi dealltwriaeth ddyfnach o’r heriau y mae pobl ifanc yn eu hwynebu yn eu cymunedau.

Amcanion:

• Archwilio’r hyn rydym eisoes yn gwybod am droseddau sy’n ymwneud â chyllyll, pwy sy’n cario cyllyll a pham
• Deall yr achosion sylfaenol a’r ffactorau risg sy’n gysylltiedig â throseddau yn ymwneud â chyllyll, gan y bydd hyn yn hanfodol ar gyfer unrhyw ymyrraeth effeithiol
• Sut mae dynion ifanc yn cael eu radicaleiddio gan y cyfryngau cymdeithasol
• Archwilio strategaethau atal effeithiol a all helpu i leihau troseddau cyllyll a hyrwyddo diogelwch cymunedol
• Adeiladu cysylltiadau â phobl ifanc i’w cefnogi i ddatblygu deallusrwydd emosiynol, hunanymwybyddiaeth, ac ymddiriedaeth yn eu greddfau, gan eu grymuso i lywio unrhyw wrthdaro a gwneud dewisiadau diogel, gwybodus
• Edrych ar fentrau cymunedol llwyddiannus sydd wedi’u gosod i leihau troseddau sy’n ymwneud â chyllyll a meithrin amgylchedd mwy diogel i bawb

11/11/2026, 09:30–15:30, Ystafell Caron – Penmorfa, Aberaeron

Ymwybyddiaeth o Ddementia gan ddefnyddio Realiti Rhithwir

Dyluniwyd y cwrs yma er mwyn cefnogi a hysbysu gofalwyr, gweithwyr cymdeithasol a staff cynorthwyol sydd yn gofalu am oedolyn sydd a Dementia. Gan ddefnyddio clustffonau realiti rhithwir, bydd y sesiwn yn archwilio profiad person o Ddementia, a’i draweffaith, ynghyd a goblygiadau cwrdd a’u hanghenion gofal a chymorth. Fe fydd cyfle hefyd i ystyried a rhannu ymarfer da a myfyrio ar faterion cyd-destunol pobl sydd yn byw yng Ngheredigion ac yng Nghymru.

Amcanion:

• Deall natur a thraweffaith Dementia ar y person ac ar eu teuluoedd
• Deall profiadau pobl sydd a Dementia gan ddefnyddio Realiti Rhithwir
• Myfyrio ar y ffordd orau i ddarparu gofal a chefnogaeth i unigolion, eu gofalwyr a’u teuluoedd

25/09/2026, 09:30–13:00, Ystafell Caron – Penmorfa, Aberaeron

12/11/2026, 09:30–13:00, Ystafell Caron – Penmorfa, Aberaeron

Dechrau’r Galon / Cymorth Cyntaf Brys

Hyfforddiant i alluogi staff i ddarparu cymorth cyntaf brys a defnyddio diffibriliwr.

Amcanion:

• Ymateb i sefyllfa cymorth cyntaf
• Rhoi cymorth cyntaf i berson sydd wedi’i anafu mewn modd diogel, gan gynnwys CPR a defnyddio diffibriliwr
• Nodi’r angen i gofnodi digwyddiadau   

12/10/2026, 13:00–16:00, Ystafell Caron – Penmorfa, Aberaeron

06/11/2026, 09:30–12:30, HCT – Canolfan Dysgu Llanbadarn, Aberystwyth

07/12/2026, 09:30–12:30, Ystafell Caron – Penmorfa, Aberaeron

Hyfforddiant Trochi sy’n Cwmpasu Pob Agwedd ar Fwyta drwy Brofiad (DIET)

Sesiwn hyfforddi 3 awr sydd wedi’i chynllunio er mwyn i staff cael ymgolli’n llwyr ym myd person sy’n byw gyda dementia. Trwy ddefnyddio offer arbenigol, bydd cyfranogwyr yn gallu deall yr ofn, y teimladau a’r pryder y gall pobl eu profi yn ystod amser bwyd.

Amcanion:

• Agnosia a Bwyd – Deall beth yw agnosia a sut y gall achosi anawsterau wrth adnabod bwyd a diod
• Anhwylderau Cyfathrebu – Deall sut y gall anhwylderau cyfathrebu effeithio ar allu person i ddarllen bwydlenni neu i wneud dewisiadau ynghylch bwyd a diod
• Yr Ardal Fwyta – Deall sut y gall gormod o annibendod yn yr ardal fwyta achosi anawsterau i bobl â dementia yn ystod amseroedd bwyd, a sut i greu mannau bwyta sy’n gynhwysol ar gyfer pobl â dementia

14/10/2026, 10:00–13:00, Canolfan Rheidol, Aberystwyth

14/10/2026, 13:30–16:30, Canolfan Rheidol, Aberystwyth

19/11/2026, 10:00–13:00, Canolfan Rheidol, Aberystwyth

19/11/2026, 13:30–16:30, Canolfan Rheidol, Aberystwyth

Camddefnyddio Sylweddau

Mae Barod yn cynnig cyfres o gyrsiau hyfforddiant ar Gamddefnyddio Sylweddau ar gyfer gweithwyr proffesiynol i’w helpu i adnabod defnydd a chamddefnydd sylweddau, i gyfeirio pobl at wasanaethau a rhoi cymorth a gwybodaeth sylfaenol i bobl ynglŷn â’u defnydd o sylweddau. Mae rhaid mynychu’r cwrs Ymwybyddiaeth Sylfaenol o Gamddefnyddio Sylweddau cyn fynychu’r cwrs Datblygiad Ymennydd Pobl Ifanc yn ystod y Glasoed a Defnydd Sylweddau.

Ymwybyddiaeth Sylfaenol o Gamddefnyddio Sylweddau

11/11/2026, 09:30–16:00 (Hyfforddiant Rhithwir)

Datblygiad Ymennydd Pobl Ifanc yn Ystod y Glasoed a Defnydd Sylweddau

07/10/2026, 09:30–16:00 (Hyfforddiant Rhithwir)

Alcohol a Sgrinio

13/01/2027, 09:30–13:30 (Hyfforddiant Rhithwir)

Canabis a Sgrinio

08/12/2026, 09:30–13:30 (Hyfforddiant Rhithwir)