Pecyn Cymorth i Gefnogi Rhywun sy’n Byw gyda Dementia
17/09/2026
Aberystwyth University is offering an online short course this October titled A Toolkit for Supporting Someone with Dementia.
Mae dementia yn effeithio ar lawer o deuluoedd ac ar ôl y diagnosis cychwynnol, mae angen i deuluoedd newid eu cyfrifoldebau gofalu. Mae’r cwrs byr hwn yn ystyried y prif faterion y mae llawer o deuluoedd yn eu hwynebu gan gynnig cyngor ymarferol ac asesiad y gellir ei ddefnyddio gyda’ch anwylyd. Mae’r salwch hwn yn effeithio ar bobl yn wahanol a gall chwilio a dadansoddi gwybodaeth fod yn ddigalon.
Mae’r cwrs yn cael ei gyflwyno trwy gyflwyniadau byr a gellir gweithio drwy’r tasgau yn eich amser eich hun. Bydd dysgwyr yn cael eu harwain gan weithwyr proffesiynol cymwys ac yn clywed straeon y rhai sydd wedi bod drwy’r broses.
Ffi’r cwrs yw £75. Fodd bynnag, mae Prifysgol Aberystwyth yn cynnig Cynllun Hepgor Ffioedd, sydd ar gael ar hyn o bryd i unigolion yng Nghymru na fyddent fel arall yn cael mynediad at addysg uwch, gan gynnwys gofalwyr cyflogedig a di-dâl.
I gael rhagor o wybodaeth ac i archebu lle, ewch i dudalen y cwrs Pecyn Cymorth i Gefnogi Rhywun sy’n Byw gyda Dementia ar wefan Prifysgol Aberystwyth.
Lansiad Gyrfaoedd Rhithwir
16/09/2026
Bydd tri digwyddiad lansio yn cael eu cynnal ar draws y rhanbarth yn ystod mis Hydref 2026 i arddangos Gyrfaoedd Rhithwir, adnodd realiti rhithwir (VR) arloesol sydd wedi’i gynllunio i ysbrydoli a chefnogi pobl ifanc i archwilio gyrfaoedd yn
Mae Gyrfaoedd Rhithwir wedi’i ddatblygu ar y cyd gan Fwrdd Partneriaeth Rhanbarthol Gorllewin Cymru, Cyngor Sir Powys, a Virtus Tech, gyda chyllid gan Gofalwn Cymru. Nod y prosiect cyffrous hwn yw arddangos y cyfleoedd amrywiol a gwerth chweil sydd ar gael ar draws y sector gofal, gan helpu i fynd i’r afael â heriau’r gweithlu yn y dyfodol wrth ddangos gwerth cydweithredu traws-sector cryf. Cydnabuwyd effaith ac arloesedd y prosiect yn genedlaethol pan gyrhaeddodd y rhestr fer ar gyfer Gwobrau Gwobrau Sêr Gofal Cymdeithasol 2026.
Trwy brofiadau rhyngweithiol a’r rhai y gallwch ymgolli ynddynt, mae Gyrfaoedd Rhithwir yn caniatáu i fyfyrwyr gamu i amgylcheddau gofal, arsylwi gweithwyr proffesiynol rhithwir, a chael dealltwriaeth o’r sgiliau, gwerthoedd a chyfleoedd gyrfa sydd ar gael. Gan weithredu fel offeryn profiad gwaith rhithwir, mae’n helpu pobl ifanc i ddychmygu eu hunain mewn gyrfaoedd ystyrlon nad oeddent efallai wedi’u hystyried o’r blaen.
Bydd y rhai sy’n mynychu’r digwyddiadau lansio yn cael cyfle i:
- Profi’r platfform Gyrfaoedd Rhithwir yn uniongyrchol
- Dod i wybod sut y gall technoleg VR wella addysg ac arweiniad gyrfaoedd
- Dod i gyswllt ag addysgwyr, cyflogwyr ac arweinwyr sector o bob rhan o’r rhanbarth
- Dysgu sut i gael mynediad at yr adnodd a’i ddefnyddio yn eich sefydliad neu leoliad addysgol eich hun
Mae cofrestru ar gyfer y digwyddiadau ar gael drwy’r dolenni isod a bydd yn cau ar 1 Hydref 2026.
Lansiad Canolog
Dyddiad: 08/10/2026
Amser: 09:00–13:00
Lleoliad: Coleg Llanymddyfri, Queensway, Llanymddyfri, SA20 0EE
Lansiad Powys
Dyddiad: 13/10/2026
Amser: 09:00–13:00
Lleoliad: Hafan Yr Afon, Y Drenewydd, Powys, SY16 2NH
Lansiad Gorllewin Cymru
Dyddiad: 15/10/2026
Amser: 09:00–13:00
Lleoliad: Parc Dewi Sant, Heol Ffynnon Job, Caerfyrddin, SA31 3HG
Rhaglen Ddatblygu Gweithwyr Cefnogi
10/07/2026
Fel rhan o Raglen Ddatblygu Gweithwyr Cefnogi GIG, mae’r cyrsiau canlynol ar-lein i holl Weithwyr Cefnogi Iechyd a Chymdeithasol ar draws rhanbarth Canolbarth Cymru sy’n cynnwys rhai pynciau hanfodol ar gyfer gofal personol a chefnogi datblygiad y gweithlu.
Cywirdeb y Croen
Trosolwg:
- Beth yw cywirdeb y croen
- Pam ei fod yn bwysig – risgiau a buddion
- Ffactorau sy’n effeithio ar gywirdeb y croen
- Sut i sicrhau cywirdeb y croen
- Rôl a chyfrifoldebau Gweithiwr Cefnogi Gofal Iechyd.
Dyddiad:
- 25/09/2026, 13:00–15:00
NEWS2 a Sepsis
Trosolwg:
- Beth yw Sepsis
- Beth yw symptomau Sepsis
- Beth yw NEWS2 ac ar gyfer beth mae’n cael ei ddefnyddio
- Y gwahaniaethau o’r NEWS gwreiddiol
- Sut i ddefnyddio NEWS2 yn gywir
- Gweithdrefnau Uwchgyfeirio
- Rôl a chyfrifoldebau Gweithwyr Cefnogi Gofal Iechyd
Dyddiad:
- 25/09/2026, 10:00–12:00
I archebu eich lle ar gyfer unrhyw un o’r cyrsiau hyn, cwblhewch y ffurflen ganlynol: Support Worker Development
Codau Ymarfer Proffesiynol Newydd
01/07/2026
Mae Gofal Cymdeithasol Cymru wedi diweddaru ei Godau Ymarfer Proffesiynol ar gyfer gweithwyr gofal cymdeithasol a chyflogwyr yng Nghymru i’w gwneud yn gliriach ac yn haws i’w dilyn.
Mae’r codau’n nodi’r hyn a ddisgwylir gan weithwyr a chyflogwyr, gan helpu i amddiffyn y cyhoedd a chynnal safonau uchel.
Am ragor o wybodaeth, ewch i dudalen Codau Ymarfer Proffesiynol ar wefan Gofal Cymdeithasol Cymru.
Gweithdai DBS am ddim
12/05/2026
Mae’r Gwasanaeth Datgelu a Gwahardd (DBS) yn cyflwyno rhaglen o weithdai am ddim dros y misoedd nesaf. Mae’r sesiynau hyn wedi’u cynllunio i roi cyfarwyddyd ymarferol ar ystod o brosesau’r Gwasanaeth Datgelu a Gwahardd, gan gynnwys datgelu, cymhwysedd, gwahardd ac atgyfeirio.
HYDREF
- Datgelu (AGORED) – 20/10/2026, 09:30–11:00
- Gwahardd (AGORED) – 20/10/2026, 13:00–14:30
- Holi ac Ateb (AGORED) – 21/10/2026, 11:30–12:30
TACHWEDD
- Datgelu (AGORED) – 18/11/2026, 11:00–12:30
- Gwahardd (AGORED) – 19/11/2026, 12:00–13:30
- Holi ac Ateb (AGORED) – 24/11/2026, 10:00–11:00
IONAWR
- Datgelu (AGORED) – 12/01/2027, 12:30–14:00
- Gwahardd (AGORED) – 13/01/2027, 09:30–11:00
- Holi ac Ateb (AGORED) – 13/01/2027, 12:00–13:00
CHWEFROR
- Gwahardd (AGORED) – 23/02/2027 11:00–12:30
- Datgelu (AGORED) – 24/02/2027, 10:00–11:30
- Holi ac Ateb (AGORED) – 24/02/2027, 13:00–14:00
Gallwch archebu lle ar unrhyw un o’r sesiynau drwy dudalen Eventbrite DBS.
Ffordd – Adnodd Lles Newydd ar gyfer y Gweithlu Iechyd Meddwl
01/05/2026
Mae Addysg a Gwella Iechyd Cymru (AaGIC) wedi lansio Ffordd, adnodd lles cenedlaethol newydd sydd wedi’i gynllunio’n benodol ar gyfer y rhai sy’n gweithio mewn gwasanaethau iechyd meddwl ledled Cymru.
Mae Ffordd yn cynnig mynediad cyflym at:
- Offer ac adnoddau lles
- Canllawiau ar gyfer digwyddiadau heriol (e.e., cwestau, hunanladdiad cleifion, digwyddiadau diogelu)
- Deunyddiau adeiladu gwydnwch
- Rhwydweithiau a chymunedau ymarfer
- Cyfeirio at gefnogaeth leol ledled Cymru
Mae Ffordd ar gael ar wefan AaGIC.
Hyfforddiant Ymwybyddiaeth o HIV ar gyfer Gweithwyr Gofal Cymdeithasol
08/04/2026
Mae Terrence Higgins Trust Cymru yn falch o gyhoeddi lansiad cwrs hyfforddiant ar-lein newydd, am ddim, ar gyfer gweithwyr yn y sector gofal cymdeithasol yng Nghymru.
Datblygwyd yr hyfforddiant mewn partneriaeth â Gofal Cymdeithasol Cymru er mwyn sicrhau bod lleisiau a phrofiadau pobl sy’n byw gyda HIV yng Nghymru yn ganolog i’r hyfforddiant ar gyfer staff sy’n gofalu am bobl sy’n byw gyda HIV yn y gymuned ac mewn cartrefi gofal ledled Cymru.
Nod y cwrs yw codi ymwybyddiaeth a dealltwriaeth o HIV, sut mae’n cael ei basio ymlaen a’r neges Ni all basio ymlaen (Anghanfyddadwy = Anhrosglwyddadwy). Mae hyn yn cefnogi staff i ddarparu gofal rhagorol i bobl sy’n byw gyda HIV sy’n cael mynediad i gymorth, nawr ac yn y dyfodol.
Mae’r hyfforddiant ar gael yn Gymraeg ac yn Saesneg ac mae’n cynnwys:
- Ffeithiau am HIV
- Triniaeth HIV
- Gweithio’n ddiogel
- Gofalu am bobl yn y gymuned ac mewn cartrefi gofal preswyl
Gellir cael mynediad at yr hyfforddiant ar wefan Terrence Higgins Trust Cymru.
Hyfforddiant Lles Am Ddim gyda RCS Cymru
13/01/2026
Mae RCS Cymru yn cynnig amrywiaeth o weithdai lles ar-lein, gan gynnwys:
- Positifrwydd yn y Gweithle
- Cael Sgyrsiau Anodd
- Ymwybyddiaeth o Iechyd Meddwl
- Cefnogi Profedigaeth yn y Gweithle
- Rheoli Straen ac Orbryder yn y Gwwithle
…a llawer mwy.
A yw eich sefydliad yn gymwys ar gyfer yr hyfforddiant am ddim hwn?
Efallai eich bod yn gymwys os:
- Mae gennych lai na 250 o weithwyr cyfwerth ag amser llawn (FTE)
- Rydych wedi’ch lleoli yng Ngogledd, Gorllewin neu De-orllewin Cymru
- Nid yw eich sefydliad wedi cael hyfforddiant gyda RCS o’r blaen
Anfonwch e-bost at workshops@rcs-wales.co.uk i wirio eich cymhwystra.
Deddf Trais yn Erbyn Menywod, Cam-drin Domestig a Thrais Rhywiol (Cymru) 2015
14/10/2025
Mae pobl sy’n dioddef trais yn erbyn menywod, cam-drin domestig a thrais rhywiol yn defnyddio ystod eang o wasanaethau cyhoeddus am nifer o resymau. Mae’r fframwaith hyfforddiant yn ein helpu i wneud yn siŵr bod yr ymateb proffesiynol mae dioddefwyr yn derbyn yn gyson dda, lle bynnag maent yn byw yng Nghymru.
Cefnogir y Ddeddf gan y Fframwaith Hyfforddiant Cenedlaethol, ac mae gofynion y Fframwaith yn ymestyn o ymwybyddiaeth i bob aelod o staff i hyfforddiant arbenigol ar gyfer gweithwyr rheng flaen perthnasol a chymwysterau proffesiynol ar gyfer rhai staff penodol.
Mae’n orfodol i bob aelod o staff Cyngor Sir Ceredigion gwblhau’r hyfforddiant ymwybyddiaeth drwy eDdysgu. Mae 81% o’r gweithlu bellach wedi cwblhau’r modiwl. Os hoffech i’ch staff gael mynediad at y modiwl eDdysgu hwn, e-bostiwch dysgu@ceredigion.gov.uk
Gwasanaeth Cynghori Cenedlaethol Newydd ar gyfer Gweithwyr Gofal Cymdeithasol Tramor a Darparwyr Gofal Cymdeithasol yng Nghymru
25/09/2025
Mae Llywodraeth Cymru yn falch o gyhoeddi bod y Gwasanaeth Ymgynghorol Cenedlaethol bellach yn weithredol.
Mae’r gwasanaeth newydd hwn yn cynnig:
- Cymorth i weithwyr rhyngwladol sydd wedi’u dadleoli yng Nghymru, gan gynnwys arweinio at swyddi, cymorth gyda chreu CV, paratoi ar gyfer cyfweliadau, cyngor ar dai, a mwy.
- Cymorth i ddarparwyr gofal cymdeithasol sydd â thrwyddedau nawdd (neu’r rhai sy’n ystyried gwneud cais), trwy eu cysylltu â ymgeiswyr profiadol, cymwys sydd eisoes yn Cymru – gan gynnig dewis arall yn lle dechrau recriwtio rhyngwladol o’r dechrau.
Isod mae dolenni i wefan Llywodraeth Cymru lle mae rhagor o wybodaeth am y Gwasanaeth Ymgynghorol Cenedlaethol ar gael:
- Y Gwasanaeth Cynghori Cenedlaethol ar gyfer gweithwyr gofal cymdeithasol tramor
- Cymorth y Gwasanaeth Cynghori Cenedlaethol i gyflogwyr gofal cymdeithasol
Yn ogystal, mae adnodd Llywodraeth Cymru ar gyfer gweithwyr rhyngwladol wedi’i ddiweddaru i gynnwys manylion am NAS:
Adnodd Sgiliau Ymchwil, Arloesi, a Gwella Newydd ar gyfer y Gweithlu Gofal Cymdeithasol
14/04/2025
Mae Gofal Cymdeithasol Cymru yn falch o gyhoeddi bod yr adnodd Sgiliau Ymchwil, Arloesi, a Gwella bellach ar gael.
Beth yw’r adnodd?
Nododd ymchwil flaenorol a gomisiynwyd gan Gofal Cymdeithasol Cymru sawl rhwystr i ymchwil, arloesi, a gwella, megis diffyg amser a’r canfyddiad y gallai datblygu sgiliau yn y meysydd hyn fod yn gymhleth ac yn anodd. Er mwyn mynd i’r afael â’r rhwystrau hyn, mae’r adnodd hwn wedi’i greu i gefnogi datblygiad sgiliau ymchwil, arloesi, a gwella ar draws y gweithlu gofal cymdeithasol.
Beth sydd wedi’i gynnwys yn yr adnodd?
Nod yr adnodd yw helpu unigolion sy’n gweithio ym maes gofal cymdeithasol i ddod o hyd i hyfforddiant a chyfleoedd perthnasol i ddatblygu eu sgiliau ymchwil, arloesi, a gwella. Mae’n cynnwys dolenni i gyfleoedd defnyddiol, wedi’u hysgrifennu mewn iaith glir ac arddull syml. Mae’r cyfeiriadau wedi’u grwpio mewn pedwar thema allweddol:
- Defnyddio tystiolaeth
- Gwella ac arloesi
- Gwerthuso eich gwaith
- Llunio diwylliant
Gallwch anfon adborth am yr adnodd hwn neu awgrymiadau am unrhyw gyfleoedd neu ddolenni ychwanegol i grwpgwybodaeth@gofalcymdeithasol.cymru
Pecyn cymorth newydd – Cefnogi llesiant preswylwyr hŷn mewn cartrefi gofal
11/02/2025
Mae Age Cymru wedi lansio canllaw arloesol sy’n rhoi preswylwyr mewn cartrefi gofal wrth wraidd eu gofal. Bydd y canllaw arloesol hwn yn helpu preswylwyr, eu teuluoedd, a staff mewn cartrefi gofal ledled Cymru i greu cartrefi sy’n meithrin llesiant a chyfoethogi bywydau.
Ariennir y pecyn cymorth gan Lywodraeth Cymru. Mae’n cynrychioli egwyddorion Deddf Gwasanaethau Cymdeithasol a Llesiant (Cymru) 2014. Mae’n canolbwyntio ar bedwar cyfnod allweddol ym mywyd preswylwyr yn y cartref:
- Symud i fyw mewn cartref gofal: Teimlo bod croeso i chi
- Gweithgareddau ystyrlon: Helpu preswylwyr i gymryd rhan mewn gweithgareddau maen nhw’n eu mwynhau
- Pwrpas, pwysigrwydd a chyrhaeddiad: Annog preswylwyr i gyfrannu a chadw’n weithgar.
- Diwedd da: Darparu gofal diwedd oes tosturiol.
Pam mae’r canllaw hwn yn unigryw?
- Cyfraniadau gan breswylwyr, teuluoedd a gweithwyr proffesiynol ledled Cymru.
- Llawn esiamplau o arferion gorau, yn cynnwys gweithgareddau arloesol fel disgos tawel, cynlluniau llythyru gydag ysgolion lleol, a therapi anifeiliaid anwes.
- Adnoddau a chyngor ymarferol sy’n mwyhau gofal sy’n canolbwyntio ar yr unigolyn, meithrin cysylltiadau gwerthfawr a sicrhau bod teuluoedd a chymunedau yn rhan o fywyd y preswylwyr.
Sut gallwch chi helpu?
- Rhannwch y pecyn cymorth gyda’ch rhwydweithiau: Helpwch i gyrraedd staff mewn cartrefi gofal, teuluoedd, a chymunedau trwy rannu’r ddolen hon: agecymru.cymru/cartrefigofal
- Ymgysylltu ar y cyfryngau cymdeithasol: Dilynwch Age Cymru a rhannwch eu negeseuon am y pecyn cymorth ar Facebook, LinkedIn ac Instagram
- Anogwch bobl i lawrlwytho’r pecyn cymorth: Rhannwch y pecyn cymorth gyda’ch timau neu eich sefydliadau partner i sicrhau ei fod yn cyrraedd y rhai a all elwa fwyaf.
- Cydweithio: Os oes gennych ddiddordeb mewn cydweithio, cysylltwch â carehomes@agecymru.org.uk
Adnoddau
- Lawrlwythwch Pecyn Cymorth PDF
- Ewch i dudalen we’r pecyn cymorth
- Ymunwch â’r rhestr bostio
- Cysylltwch â: carehomes@agecymru.org.uk | 029 2043 1555
Trefniadau Ymsefydlu Newydd ar gyfer Gweithwyr Gofal a Chymorth
19/12/2024
O 2025 ymlaen, bydd staff newydd Gofal a Chymorth a gyflogir gan y Cyngor yn cwblhau eu hymsefydlu gyda Choleg Sir Benfro yn lle’r Ymsefydlu Cymunedol ar y Cyd.
Os ydych wedi cofrestru gweithwyr Gofal a Chymorth newydd o’r blaen trwy’r Ymsefydlu Cymunedol ar y Cyd, byddwch yn ymwybodol, o 1 Ebrill 2025, na fydd gennych fynediad i’r cwrs hwn mwyach.
Os oes gennych staff sydd angen cwblhau AWIF/Ymsefydlu ac rydych am iddynt ei wneud trwy Goleg Sir Benfro, gallwch gysylltu â Lucy Breckon ar l.breckon@pembrokeshire.ac.uk (gall ffioedd fod yn berthnasol).
Os oes gennych unrhyw ymholiadau, mae croeso i chi gysylltu â’r Tîm Dysgu a Datblygu ar dysgu@ceredigion.gov.uk
Gofal a Chysur yn Gymraeg
07/11/2024
Mae’r Ganolfan Dysgu Cymraeg Genedlaethol wedi datblygu adnoddau wedi’u teilwra’n benodol ar gyfer gweithwyr gofal lliniarol yng Nghymru. Gyda mewnbwn gan arbenigwyr yn y sector, mae’r adnoddau hyn yn cyflwyno iaith sy’n berthnasol ac yn ymarferol.
Mae’r adnodd dysgu hwn yn ddefnyddiol p’un a ydych chi newydd ddechrau ar eich taith Gymraeg neu’n awyddus i fagu hyder gan ddefnyddio’r Gymraeg rydych chi’n ei hadnabod yn barod yn y gwaith.
Gellir cael mynediad i’r adnoddau ar wefan y Ganolfan Dysgu Cymraeg Genedlaethol.
Gofal Cymdeithasol Cymru – Cynnig Cymraeg
16/10/2024
Gwirfoddoli Ar Ôl Ymddeol
25/09/2024
Cynllun newydd i fynd i’r afael â heriau’r gweithlu gofal cymdeithasol
07/06/2024
Mae Gofal Cymdeithasol Cymru yn falch o gyhoeddi bod Dawn Bowden AS, y Gweinidog Gofal Cymdeithasol, wedi lansio Cynllun cyflawni gweithlu gofal cymdeithasol 2024 i 2027.
Mae’r cynllun cyflawni yn cynnwys camau gweithredu gofal cymdeithasol ar gyfer ail gyfnod ‘Cymru Iachach: Ein Strategaeth Gweithlu Iechyd a Gofal Cymdeithasol’.
Darganfyddwch fwy yn yr erthygl ‘Cynllun newydd i fynd i’r afael â heriau’r gweithlu gofal cymdeithasol‘ ar wefan Gofal Cymdeithasol Cymru.
Canolfan Byw’n Annibynnol Penmorfa
02/05/2024
Mae Canolfan Byw’n Annibynnol Penmorfa, sy’n hybu annibyniaeth a chymorth cymunedol, bellach ar agor a bydd yn trawsnewid y ffordd y mae unigolion yn dod o hyd i atebion a gwybodaeth i helpu eu hunain.
Mae’r Ganolfan wedi’i lleoli yng nghanol Ceredigion, ar lawr gwaelod swyddfeydd y Cyngor Sir ym Mhenmorfa, Aberaeron. Mae’r Ganolfan yn cynnig polisi drws agored ac mae ar agor rhwng 10:30 a 15:30 o ddydd Llun i ddydd Gwener.
Mae’r Ganolfan wedi’i rhannu i mewn i sawl maes arbenigol i arddangos y cymorth sydd ar gael ar gyfer anghenion amrywiol yn ein cymunedau, megis:
- Ystafell AskSARA
- Gofal wedi’i alluogi drwy Dechnoleg
- Cyfarpar Gofal a Symudedd
- Cymorth o ran Nam ar y Golwg
- Addasiadau Tai
- Ymwybyddiaeth o Ddiogelwch Tân
- Arweiniad ar Daliadau Uniongyrchol
- Cymorth i ofalwyr a’r rhai sy’n derbyn gofal
Mae mwy o wybodaeth ar gael ar dudalen Canolfan Byw’n Annibynnol Penmorfa ar wefan Cyngor Sir Ceredigion.
Cofrestru Gweithwyr Cartrefi Gofal i Oedolion
02/12/2022
Mae cofrestru ar gyfer pobl sy’n gweithio fel gweithwyr cartrefi gofal i oedolion wedi bod yn orfodol ers mis Hydref 2022. Os oes angen i chi wneud cais i gofrestru, gwnewch hynny cyn gynted â phosibl.
Prif ddiben cofrestru yw diogelu’r cyhoedd gan sicrhau mai dim ond y rhai sy’n gymwys ac yn gymwysedig sy’n gallu darparu gofal a chymorth mewn rolau lle mae angen cofrestru. Mae cofrestru gyda Gofal Cymdeithasol Cymru yn golygu eich bod yn rhan o weithlu proffesiynol a gallwch ddangos bod gennych sgiliau a gwybodaeth sy’n hanfodol i ddarparu gofal a chymorth da i bobl Cymru.
Dolenni defnyddiol:
- Cwestiynau cyffredin ac adnoddau i weithwyr cartref gofal i oedolion: gofalcymdeithasol.cymru/cofrestru/cofrestru-gweithiwr-cartref-gofal-i-oedolion
- Codau Ymarfer a chanllawiau: gofalcymdeithasol.cymru/cod
- Tudalennau cofrestru: gofalcymdeithasol.cymru/cofrestru
- GCCarlein: scwonline.wales/cy/
Pecyn Cymorth Cam-drin Domestig a chydfodolaeth Dementia
10/02/2022
Isod mae ddolen i’r pecyn cymorth newydd gan Dewis Choice – Cam-drin Domestig a chydfodolaeth Dementia.
Nod y pecyn cymorth yw mynd i’r afael â bylchau yng ngwybodaeth ymarferwyr am gydfodolaeth cam-drin domestic a dementia.
Pecyn Cymorth Byw gyda Dementia
03/12/2021
Isod mae ddolen i’r Pecyn Cymorth Byw gyda Dementia. Mae’r pecyn cymorth wedi’i gynllunio i ysbrydoli pobl â dementia a gofalwyr a chynnig syniadau newydd am sut i fyw’n dda.
Codi a Chario
01/02/2021
Os oes gennych gwestiynau am achosion codi a charion cymhleth, cysylltwch â HealthandSafety@ceredigion.gov.uk
Cwrs Hyrwyddwr Everymind
17/12/2020
Mae’r cwrs Hyrwyddwr Everymind yn gwrs ar-lein rhyngweithiol 1 awr o hyd sy’n cyflenwi â’r tŵls i gefnogi eich hun yn y gweithle, cefnogi eraill ochr yn ochr â rhoi awgrymiadau ymarferol i chi i wella iechyd meddwl yn y busnes rydych chi’n gweithio iddo.
Nid oes angen i ci ddilyn y cwrs i gyd ar yr un pryd, gallwch allgofnodi a dychwelyd i gwblhau’r cwrs yn ddiweddarach os yw hynny’n gweithio’ well i chi!
Dylech ddilyn y cwrs hwn os ydych chi:
- Am wneud gwahaniaeth yn y gweithle o un peth i’r llall
- Yn gweithio gartref gyda mwy o amser hamdden ac eisiau uwchsgilio
- Yn meddu ar eich profiad eich hun o salwch meddwl ac eisiau defnyddio’r empathi hwnnw a’r ddealltwriaeth honno’n dda
- Yn poeni am gael gwared â’r stigma sy’n gysylltiedig ag iechyd meddwl – yn enwedig yn y gweithle!
Gallwch gael mynediad at y cwrs ar y ddolen ganlynol: Dewch yn Hyrwyddwr Everymind – mae AM DDIM! | Cwrs Hyrwyddwr Everymind (teachable.com)
Llinell gymorth llesiant newydd ar gyfer gweithwyr iechyd a gweithwyr gofal cymdeithasol yng Nghymru
17/08/2020
Mae’r Samariaid wedi lansio llinell gymorth llesiant gyfrinachol newydd i weithwyr y GIG a gweithwyr gofal cymdeithasol yng Nghymru.
Mae’r llinell gymorth llesiant ar gael i unrhyw un sy’n gweithio ym maes iechyd neu ofal cymdeithasol sydd efallai’n teimlo’n bryderus, dan straen neu wedi’i orlethu, neu dim ond angen siarad am bethau ar ôl shifft brysur neu ddiwrnod hir yn y gwaith. Mae’n bwysicach nag erioed inni barhau i edrych ar ôl ein hunain, er mwyn gallu parhau i ofalu am eraill.
Caiff yr holl alwadau eu hateb gan wirfoddolwyr y Samariaid, sydd wedi’u hyfforddi i wrando heb farnu ac i gynnig cymorth emosiynol.
Gellir ffonio’r llinell gymorth Saesneg yn ddi-dâl, ac mae ar gael bob dydd rhwng 7am ac 11pm ar 08004840555.
Gellir ffonio’r llinell gymorth Cymraeg yn ddi-dâl, ac mae ar gael bob nos rhwng 7pm ac 11pm ar 08081642777.
Gwasanaeth Gwe-sgwrsio Byw Newydd
22/06/2020
Mae Barod wedi lansio eu gwasanaeth gwe-sgwrsio byw. Y gwasanaeth newydd sbon hwn yw’r cyntaf o’i fath yn ymwneud â chamddefnyddio sylweddau yng Nghymru. Mae’r gwasanaeth yn cael ei weithredu gan weithwyr cymorth hyfforddedig. Mae Barod yn gallu darparu cymorth i bobl y mae eu defnydd hwy eu hunain o sylweddau neu ddefnydd rhywun arall ohonynt yn effeithio arnynt. Maent hefyd yn gallu darparu gwybodaeth neu gyngor ar unwaith ynghylch pa gymorth sydd ar gael a sut i gael mynediad ato. Mae’r gwasanaeth yn agored i weithwyr proffesiynol yn ogystal â’r cyhoedd.
Mae’r gwasanaeth gwe-sgwrsio byw ar gel ar draws Cymru o 9am i 9pm, o ddydd Llun i ddydd Gwener; a rhwng 11am a 4pm ddydd Sadwrn a dydd Sul. I ddefnyddio’r gwasanaeth, ewch i dudalen hafan Barod a chliciwch ar y tab ‘Chat’ yng nghornel waelod y sgrin ar y dde.
Am fwy o wybodaeth am y gwasanaeth gwe-sgwrsio newydd, ewch i dudalen gwe-sgwrsio Barod.
Adnoddau defnyddiol ar gyfer gweithio gyda phobl sydd wedi colli’u golwg
24/04/2020
Gweler isod rai adnoddau RNIB defnyddiol ar gyfer cefnogi pobl sydd wedi colli’u golwg.
- Gweithio gyda Phobl Hŷn: Canllawiau, Help Llaw y gellir ei lawrlwytho, podlediadau, linciau at adnoddau pellach
- Adnoddau Dementia a Cholli Golwg: Taflenni y gellir eu lawrlwytho, Help Llaw, taflenni gwybodaeth, canllawiau, a phodlediadau
- Adnoddau ar Anableddau Dysgu: Negeseuon iechyd allweddol, Help Llaw y gellir ei lawrlwytho, podlediadau, pecyn Llygaid Iach
Podcastiau Pobl Hŷn ac Anghenion Cymhleth: Dolen i’r holl podlediadau.
Hyfforddiant Cymorth Cyntaf
25/11/2019
Yr ydym yn ymwybodol fod nifer ohonoch angen mynychu hyfforddiant Cymorth Cyntaf. Mae Dysgu Bro yn cynnig y cyrsiau isod:
- Dechrau’r Galon
- Cymorth Cyntaf Pediatrig
- Cymorth Cyntaf Brys yn y Gwaith
- Cymorth Cyntaf yn y Gwaith
- Cwrs Diweddaru Cymorth Cyntaf yn y Gwaith
Am ragor o wybodaeth, e-bostiwch admin@dysgubro.org.uk neu ffoniwch 01970 633540.
Ymgyrch Gofalwn Cymru
09/05/2019
Mae’r ymgyrch Gofalwn, y mae Gofal Cymru yn ei arwain, wedi ei lansio er mwyn denu mwy o bobl i weithio yn y sector gofal cymdeithasol. Bydd yr ymgyrch yn pwysleisio pa mor eang yw’r cyfleoedd gyrfa ym maes gofal, gan amrywio o reolwyr cartrefi gofal a chydlynwyr i ofalwyr plant a gweithwyr mewn meithrinfeydd. Mae’n rhan o strategaeth hirdymor i ddatblygu gweithluoedd y sector gofal ac iechyd dros y ddegawd nesaf, i ddarparu gwasanaeth di-dor, o ansawdd uchel i bobl Cymru.
Am ragor o wybodaeth am yr ymgyrch recriwtio ar gyfer gofalwyr yng Nghymru, ewch i wefan Gofalwn Cymru.
Y Gymraeg – Cynnig Gweithredol
23/07/2017
Mae Fframwaith Llywodraeth Cymru ‘Mwy na Geiriau’ yn dweud bod yn rhaid i bob darparwr gofal allu cynnig gwasanaethau gofal yn y Gymraeg i’r un safon ag y maent yn ei wneud yn Saesneg.
Mae’r ‘Cynnig Gweithredol’ yn golygu darparu gwasanaeth yn y Gymraeg heb fod rhaid i rywun ofyn amdano. Dylai’r iaith Gymraeg hefyd fod mor weladwy â’r iaith Saesneg o fewn eich sefydliad.
Isod mae dolenni i rai adnoddau i wella eich defnydd o’r iaith Gymraeg.