Rhaglen Arweinyddiaeth a Rheolaeth ILM

Rydym yn falch iawn o gyhoeddi lansiad ein Rhaglen Arweinyddiaeth a Rheolaeth ILM Lefel 4. Fe fydd carfan yn dechrau yn mis Medi 2018 a fe fydd un arall ar dyddiad hwyrach.

“Mae Grŵp Arweinyddiaeth y Cyngor wrth eu bodd yn cynnig cyfle i reolwyr o’r holl Wasanaethau i ymgymryd â’r rhaglen ILM. Bydd y cyfle hyn yn cyflawni’r ymrwymiad o fewn Cynllun Gweithlu 2017-2022 i gryfhau gallu arweinyddiaeth a sicrhau bod gan arweinwyr a rheolwyr y sgiliau i ddatblygu a chymell timau ac unigolion sy’n perfformio’n arbennig.”

Ar gyfer pwy mae’r rhaglen?

Datblygwyd y rhaglen hon ar gyfer rheolwyr canol ac uwch reolwyr sydd eisoes mewn rôl arweinyddiaeth. Mae angen ichi fod yn gyfrifol am gynllunio a gweithredu gweithredol, rheoli newid, a dylanwadu ar eraill yn y sefydliad. Bydd y rhaglen hon yn eich helpu i fyfyrio ar eich dull o arwain, ac i gymryd camau i ddatblygu ymhellach fel arweinydd.

Er mwyn cymryd rhan rhaid ichi fod â TGAU/TAU Gradd A-C mewn Saesneg a Mathemateg – neu gymhwyster cyfwerth. Bydd angen darparu copïau o’r tystysgrifau.

Pa gymwysterau fydd gen i ar ôl y cwrs?

Diploma ILM Lefel 4 mewn Egwyddorion Arweinyddiaeth a Rheolaeth

Diploma ILM NVQ Lefel 4 mewn Rheolaeth

Sgiliau Llythrennedd Digidol Hanfodol Lefel 2

Llinell Amser ac Ymrwymiadau’r Cwrs

Cwrs deunaw mis o hyd
1 Diwrnod o Ymsefydlu, Cofrestru ac ‘Asesu’ Sgiliau (Llythrennedd Digidol, Mathemateg a Saesneg)
5 Diwrnod o Weithdai Gorfodol (gyda mis o fwlch rhwng bob un)
Dewis o unedau opsiynol sy’n cyd-fynd â’ch rôl, a gyflenwir un i un dros ddeunaw mis. Bydd aseswr yn ymweld â chi unwaith y mis am 2-3 awr i gwblhau’r rhain ‘yn y gwaith’.
Sgiliau Llythrennedd Digidol Hanfodol (T.G.) – Gweithdy undydd ac yna tasg 5 awr a thrafodaeth gyda’ch aseswr. Mae’r gweithdy’n opsiynol, ond bydd angen ichi gwblhau’r dasg a’r drafodaeth (eich dewis chi, yn dibynnu ar eich profiad, a gellir ei drafod yn llawn gyda’ch aseswr).

5 Gweithdai Gorfodol

Pwy fyddai am gael eu harwain gennych chi?
Arweinydd yr 21ain Ganrif
Sefydliadau Perfformiad Uchel
Cyflawni’r Genhadaeth
‘Shift Happens’

Gweithdai Gorfodol – Asesiad

5 aseiniad (un yn dilyn pob gweithdy gorfodol)
Adborth i’r aseiniad ar e-blatfform o fewn pythefnos o’i gyflwyno
Amser astudio personol (2-3 awr yr wythnos ar gyfartaledd).

Unedau Opsiynol – Asesiad

Mi fydd angen ichi gwblhau nifer o unedau opsiynol sy’n cael eu hasesu ‘yn y gwaith’, gan ddefnyddio dulliau amrywiol megis trafodaethau proffesiynol, datganiadau tystion, arsylwi’ch gwaith, a rhai tasgau ysgrifenedig. Bydd y dulliau asesu’n amrywio, yn dibynnu ar eich dewis o unedau. Bydd hyn yn cael ei esbonio gan eich aseswr, gyda’r unedau’n cael eu cwblhau ‘yn y gwaith’ drwy gydol y rhaglen deunaw mis o hyd.

Cymorth

Mae pob gweithdy gorfodol wedi’i gynllunio i gyflwyno’r theori a chaniatáu amser i ddechrau gweithio ar eich aseiniad. Mae hynny’n sicrhau eich bod yn gadael pob gweithdy gydag amlinelliad cychwynnol o’ch aseiniad. Mae cymorth ar gael gan diwtoriaid y tu allan i’r gweithdai os oes gennych chi unrhyw gwestiynau am eich aseiniadau.

Byddwch yn cael mynediad i ‘e-blatfform’ ar-lein er mwyn cyflwyno’ch gwaith a thracio’ch cynnydd trwy gydol y rhaglen. Bydd eich aseswr yn eich cynorthwyo gyda hyn.

Sut i Wneud Cais

I wneud cais am le:

Llenwch y Ffurflen Gais / Cytundeb Dysgu a’i ddychwelyd i dysgu@ceredigion.gov.uk er 25ain Mehefin 2018.

Bydd y Panel Cymwysterau Corfforaethol yn cwrdd yng Ngorffennaf i ystyried y ceisiadau.

Bydd y meini prawf a ystyrir ganddynt er mwyn dethol yn cynnwys:

Y cyfleoedd o fewn eich rôl i ddatblygu a rhoi cynlluniau gweithredol ar waith, i reoli newid ac i hyrwyddo perfformiad drwy eich tîm
Y buddiannau i chi a’ch maes gwasanaeth
Rhoir blaenoriaeth i’r rhai sydd heb unrhyw gymwysterau arweinyddiaeth

Cwestiynau

Os oes gennych chi unrhyw gwestiynau am y rhaglen, dylech e-bostio dysgu@ceredigion.gov.uk