Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Eisiau dechrau eich gyrfa ym maes gwarchod y cyhoedd ac iechyd yr amgylchedd? Am wneud gwahaniaeth gwirioneddol i gymunedau ledled Ceredigion drwy helpu i ddiogelu iechyd, diogelwch a lles pobl? Rydym yn chwilio am raddedig cymhellol i ymuno â ni fel Hyfforddai Graddedig – Gwarchod y Cyhoedd ar gontract cyfnod penodol, llawn amser, 12 mis.

Yn y rôl hon, byddwch yn gweithio ochr yn ochr â chydweithwyr profiadol a chymwysedig yn broffesiynol, gan feithrin sgiliau ymarferol ar draws swyddogaethau gwarchod y cyhoedd. Byddwch yn cefnogi arolygiadau, ymchwiliadau a phrosiectau, yn dysgu sut rydym yn cymhwyso deddfwriaeth a chanllawiau, ac yn datblygu’r wybodaeth sydd ei hangen i symud ymlaen i rôl broffesiynol arbenigol ym maes Iechyd yr Amgylchedd. Byddwch hefyd yn cael cymorth i gwblhau cymhwyster rheoli prosiect achrededig PRINCE2 a defnyddio eich dysgu ar flaenoriaethau gwasanaeth go iawn.

Beth fyddwch chi’n ei wneud:

• Ymgymryd ag arolygiadau, ymchwiliadau ac arolygon wedi’u goruchwylio yn unol â pholisïau, gweithdrefnau a rhaglenni arolygu’r gwasanaeth.
• Cefnogi swyddogion i ddehongli a chymhwyso deddfwriaeth, canllawiau, codau ymarfer a safonau’r diwydiant sy’n berthnasol i waith gwarchod y cyhoedd.
• Cynorthwyo gyda gweithgarwch gorfodi i sicrhau cydymffurfiaeth, gan gynnwys casglu a chrynhoi tystiolaeth yn unol â gofynion cyfreithiol perthnasol (gan gynnwys PACE) ar gyfer achosion llys neu dribiwnlys lle bo angen.
• Ymateb i gwynion ac ymholiadau yn broffesiynol ac yn brydlon, yn unol â gweithdrefnau sefydledig.
• Cynnal cofnodion clir a chywir a sicrhau bod systemau cofnodi’r gwasanaeth yn gyfredol.
• Ymchwilio i bynciau, dadansoddi gwybodaeth a data, a chyflwyno canfyddiadau i reolwyr ac arbenigwyr.

Pwy rydyn ni’n chwilio amdano

Rydych yn chwilfrydig, trefnus ac yn awyddus i wneud gwahaniaeth. Rydych yn mwynhau dysgu, gweithio gydag eraill a throsi gwybodaeth yn gamau ymarferol.

I fod yn gymwys ar gyfer y cyfle hyfforddai graddedig hwn, bydd angen:

• Gradd 2:1 neu uwch, a gafwyd o fewn y 3 blynedd diwethaf
• Sgiliau cyfathrebu llafar ac ysgrifenedig rhagorol, gan gynnwys y gallu i ysgrifennu adroddiadau clir a chyflwyno gwybodaeth
• Profiad o weithio’n gydweithredol (er enghraifft drwy astudiaeth, lleoliadau, gwaith gwirfoddol neu gyflogaeth rhan-amser) a dull ymarferol o ddatrys problemau
• Y gallu i reoli eich amser, blaenoriaethu eich llwyth gwaith a chymryd menter
• Parodrwydd i ddatblygu gwybodaeth a sgiliau arbenigol i symud ymlaen ym maes Iechyd yr Amgylchedd
• Y gallu i deithio ac ymweld â lleoliadau ledled Ceredigion gan ddefnyddio eich trefniadau teithio eich hun pan fo angen

Beth sydd ynddo i chi?

• Lleoliad cyflogedig 12 mis (gan anelu i ddechrau yng nghanol mis Medi 2026)
• Cymhwyster rheoli prosiect cydnabyddedig (PRINCE2)
• Cefnogaeth a mentora proffesiynol
• 27 diwrnod o wyliau blynyddol, ynghyd ag 8 gŵyl gyhoeddus
• Gweithio hybrid – yn amodol ar ofod gwaith addas, cysylltiad band eang ac anghenion y gwasanaeth, gallwch ddewis gweithio gartref neu yn un o’n swyddfeydd
• Amser hyblyg – gallwch weithio rhwng 7:30 y bore a 7:00 yr hwyr, gyda’r oriau mewn credyd yn cael eu cymryd fel gwyliau ychwanegol
• Y potensial ar gyfer contract dilynol, yn amodol ar berfformiad rhagorol ac argaeledd cyllid, a all gynnwys cefnogaeth bellach i ennill cymhwyster proffesiynol arbenigol

Os ydych yn barod i ddechrau gyrfa â phwrpas a gweld effaith eich gwaith yn y byd go iawn, gwnewch gais nawr a dechreuwch eich taith gyda Thîm Ceredigion.

Gwybodaeth Ychwanegol

Mae gwybodaeth fanwl am y cyfle a’r profiad cyflogaeth a gynigiwn yn Nhîm Ceredigion ar gael yn y dogfennau canlynol:

• Disgrifiad Swydd a Manyleb y Person
• Pecyn Gwybodaeth y Cynllun Graddedigion
• Pecyn Gwybodaeth Tîm Ceredigion

Sesiwn Gwybodaeth Rithwir: Ymunwch â ni ddydd Llun, 15fed Mehefin, o 10:30 yb i 11:30 yb neu Dydd Gwener, 26 Mehefin 2026 am 12:00 - 12:45. Cliciwch yma i gofrestru.

Cynhelir cyfweliadau yn ystod yr wythnos sy’n dechrau ar 13 Gorffennaf 2026.

Am ragor o wybodaeth, cysylltwch â Carwen Evans drwy carwen.evans@ceredigion.gov.uk

Noder: Cedwir yr hawl i ymestyn y dyddiad cau.