Y Drefn Bresennol
Mae trefniadau presennol hawliau gwyliau blynyddol a’r modd y’u dyrennir, fel a ganlyn:
| Cyfnod o Wasanaeth Di-Fwlch i Lywodraeth Leol | Nifer yr Oriau (Cyfwerth ag Amser Llawn) | Nifer y Diwrnodau (Cyfwerth ag Amser Llawn) |
| Llai na 5 mlynedd | 192.4 awr | 26 diwrnod |
| 5 mlynedd neu fwy ond llai na 15 mlynedd | 222.0 awr | 30 diwrnod |
| 15 mlynedd neu fwy ond llai nag 20 mlynedd | 229.4 awr | 31 diwrnod |
| +1 diwrnod ychwanegol (7.4 awr) am bob pum mlynedd |
Noder: Mae gwerthoedd yr hawliau a nodir uchod i gyd ar gyfer staff sy’n gweithio’n llawn amser. Mae staff rhan amser yn derbyn hawliau pro rata. Nid yw’r hawl i gael wyth niwrnod o wyliau banc y flwyddyn wedi ei gynnwys yn yr adolygiad hwn.
Adolygiad
Ar hyn o bryd nid oes terfyn i uchafswm y diwrnodau gwyliau y mae gan unigolyn hawl iddynt, ond yn amlwg, byddai angen nifer sylweddol o flynyddoedd o wasanaeth i ennill diwrnodau ychwanegol. Er enghraifft, byddai angen 30 mlynedd o wasanaeth i gronni 33 diwrnod, 40 mlynedd i gronni 35 diwrnod. Gellid ystyried y trefniadau presennol yn rhai sy’n gwahaniaethu o ran oed, oherwydd yr amser y mae’n ei gymryd i gronni diwrnodau ychwanegol. Cynhaliwyd adolygiad i sicrhau tegwch a chyfiawnder.
Y Drefn Arfaethedig
Y cynnig yw diwygio’r modd y dyrennir hawliau gwyliau blynyddol fel a ganlyn:
| Cyfnod o Wasanaeth Di-Fwlch i Lywodraeth Leol | Nifer yr Oriau (Cyfwerth ag Amser Llawn) | Nifer y Diwrnodau (Cyfwerth ag Amser Llawn) |
| Llai na 5 mlynedd | 192.4 awr | 26 diwrnod |
| 5 mlynedd neu fwy ond llai na 10 mlynedd | 222.0 awr | 30 diwrnod |
| 10 mlynedd neu fwy | 244.2 awr | 33 diwrnod |
Bydd yr hawliau gwyliau i gyd yn dal i gael eu cyfrifo ar sail pro rata i staff sy’n gweithio llai nag oriau amser llawn.
Diogelu
O ran y staff sydd yn derbyn yr hawl i fwy o wyliau blynyddol na’r uchafswm o 33 diwrnod arfaethedig (oherwydd hyd eu gwasanaeth), yna diogelir eu hawl bresennol, fodd bynnag ni fyddant yn derbyn unrhyw gynnydd pellach. Y dyddiad y rhoddir y cynnig hwn ar waith fydd y dyddiad a ddefnyddir i benderfynu pa staff fydd yn cael eu diogelu.
Gweithredu
Cynigir bod y newidiadau hyn yn cael eu rhoi ar waith ac yn dod i rym o 1 Chwefror 2021 ymlaen.