Bydd Gweithwyr Cymdeithasol Newydd Gymhwyso yn dechrau ar gyflog a disgrifiad swydd Gradd 9 cyn symud ymlaen i radd 10 ar ôl 2 flynedd yn y swydd. Bydd gweithwyr cymdeithasol profiadol yn dechrau ar gyflog a disgrifiad swydd Gradd 10. Gellir cael mynediad i’r ddau ddisgrifiad swydd isod.

Mae’r swydd hon yn gymwys ar gyfer taliad atodol marchnad o £200 y mis. Nodwch y bydd y taliad ychwanegol hwn yn cael ei adolygu ar 31 Mawrth 2025.

Gall yr ymgeisydd llwyddiannus fod yn gymwys i hyd at uchafswm o £8,000 (gan gynnwys TAW) tuag at gost y treuliau a dynnir oherwydd adleoli i Geredigion.

Am fwy o wybodaeth, anfonwch e-bost at adnoddaudynol@ceredigion.gov.uk. Am fwy o wybodaeth am sir Ceredigion a'r ffordd o fyw ragorol y mae'n ei gynnig, cliciwch yma.

Rydym yn edrych i recriwtio Gweithiwr Cymdeithasol ar gyfer plant i ymuno a’n Tîm Gydol Oes yn llawn amser. Mae’r tîm yn hwb penderfyniadau integredig sy’n anelu at gefnogi teuluoedd gyda gwybodaeth a chyngor neu ymyrraeth. Mae hwn yn rôl gyffrous o fewn y gwasanaeth sy’n darparu cyfle i ymgymryd ag asesiadau a gweithredu pecynnau gofal i gefnogi bwriad ein sefydliad i alluogi darpariaeth i blant/deuluoedd o wasanaethau addas yn dilyn Asesiad Plentyn a Theulu.

Ynghylch y Rôl: 

Mae'r rôl yn un sy’n llunio a gweithredu Cynlluniau Gofal a Chymorth o dan Ran 4 a 6 o SSWBA 2014 a deddfwriaethau gofal cymdeithasol allweddol eraill wrth asesu, cefnogi a diogelu plant ac oedolion sydd angen gofal a chymorth neu sydd mewn perygl o niwed trwy gynorthwyo unigolion a'u teuluoedd neu rwydweithiau i ddatrys anawsterau mawr, gwella eu sgiliau ymdopi a sefydlu eu hannibyniaeth a'u gwydnwch. Tîm Porth Gofal yw calon y ddarpariaeth gwasanaeth sy'n canolbwyntio ar sicrhau bod teuluoedd yn cael yr ymyrraeth sydd yn y sefyllfa orau i ddiwallu eu hanghenion neu lle arall i'w harwain at gymorth cynnar neu wasanaethau arbenigol.

Beth mae’r Tîm Porth Gofal yn ei ddarparu:

• gwasanaeth ymatebol i Ddinasyddion sy’n byw yng Ngheredigion
• gwybodaeth a dealltwriaeth drylwyr o ddeddfwriaeth sy'n berthnasol i waith gydag unigolion, eu teuluoedd, a'u gofalwyr
• helpu unigolion a theuluoedd i ddelio â materion sy'n achosi anawsterau iddynt yn ddyddiol yn eu bywydau
• i fynd ar drywydd neu gyfrannu at ymholiadau a lle bo angen i ymyrryd i amddiffyn y rhai  sy'n agored i niwed neu  sydd mewn perygl o niwed sylweddol
• cymhwyso asesiad anghenion sy'n seiliedig ar Gryfder sy'n canolbwyntio ar ddewis a rheolaeth defnyddwyr gwasanaeth gan ddefnyddio'r fframwaith Arwyddion Diogelwch
• gostyngiad yn yr amser y mae gweithwyr gofal cymdeithasol proffesiynol yn ei dreulio wrth benderfynu a ydynt yn gymwys ar gyfer gwasanaethau statudol
• gwasanaeth sy'n cydymffurfio'n gyfreithiol â gofynion statudol SSWBA 2014
• mae'n darparu gwybodaeth, cyngor a chymorth am wasanaethau iechyd a gofal cymdeithasol cymunedol i oedolion sy'n gwella'r cysylltiad rhwng pobl a'u cymunedau
• yn annog dull cytbwys o asesu angen gan sicrhau bod dinasyddion wrth wraidd sgyrsiau, penderfyniadau a bod y cwestiwn "beth sy'n bwysig?" yn cael ei ofyn a’i drafod
• darparu asesiad mwy cyson a chydlynol ar gyfer gofal a chymorth
• gwella llif y wybodaeth rhwng gwasanaethau, gan arwain at benderfyniadau cyflymach yn cael eu gwneud ynghylch anghenion a chymorth i bobl
• gweithio i sicrhau ansawdd gwasanaeth gyda chydweithwyr yn y sector statudol ac annibynnol i sicrhau dull amlasiantaethol o rymuso defnyddwyr gwasanaeth i siarad drostynt eu hunain wrth sicrhau eu bod yn ddiogel ac yn cael eu diogelu

Ein hymgeisydd delfrydol:

• gwybodaeth am asesu gofal a chynllunio cymorth
• gwybodaeth a dealltwriaeth drylwyr o ddeddfwriaeth sy'n berthnasol i waith gydag unigolion, eu teuluoedd, a'u gofalwyr
• ymrwymiad i waith integredig gyda ffocws ar ganlyniadau adsefydlu cadarnhaol i’r dinasyddion yn hanfodol
• cynnal dull hyblyg o ymdrin â'r patrwm gwaith sy'n adlewyrchu anghenion newidiol y gwasanaeth ac amgylchiadau'r gymuned
• mae'r gallu i deithio ar hyd a lled y sir yn hanfodol
• gradd Gwaith Cymdeithasol neu DipSW 

• cofrestru gyda Gofal Cymdeithasol Cymru 

• mae polisi dwyieithog ar waith a bydd ymgeiswyr heb y gallu ieithyddol yn y Gymraeg yn cael eu cefnogi a'u hannog i gyrraedd y safon ALTE gofynnol o fewn 2 flynedd

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person (Newydd Gymhwyso)

Disgrifiad Swydd a Manyleb Person (Gymhwyso)

Am ragor o wybodaeth, cysylltwch â: Amanda Boyle (01545 574112) Amanda.Boyle2@ceredigion.gov.uk 

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.