Ar hyn o bryd mae gennym swydd wag o fewn ein Tîm Gwasanaethau Priffyrdd ar gyfer Swyddog Seilwaith Gwyrdd / Arolygu Coed. Mae’r swydd yn gontract parhaol wedi’i lleoli yn Depo Penrhos, Llandysul.

Bydd deiliad y swydd yn gyfrifol am oruchwylio’r gweithgaredd torri gwair blynyddol ar Ffyrdd Sirol a Thraffyrdd, hefyd cyflawni gweithgarwch gorfodi mewn perthynas â llystyfiant sy’n gorhongian neu’n ymledi dros Ffyrdd Sirol yn unol ag adran 154 o Ddeddf Priffyrdd (1980). Bydd y rhan fwyaf o’r gwaith yn cael ei wneud o bell ar draws rhwydwaith y Priffyrdd ledled y sir. Mae'r rôl yn hybrid sy'n golygu y gall deiliad y swydd hefyd weithio o gartref neu o'r swyddfa yn ôl yr angen. Bydd deiliad y swydd yn gyfrifol am gerbyd gwaith.

O ddydd i ddydd byddwch yn:

• Goruchwylio gwaith a gyflawnir gan gontractwyr allanol mewn perthynas â gwaith coed a thorri glaswellt ymylon ffyrdd.
• Cynnal gweithgarwch gorfodi yn unol ag adran 154 o Ddeddf Priffyrdd (1980).
• Cynnal ymweliadau safle ac arolygiadau.
• Cydweithio â thirfeddianwyr a rhanddeiliaid eraill yn ôl yr angen.
• Ymateb i ymholiadau ac adroddiadau ac adrodd yn ôl fel yr angen.
• Monitro perfformiad ac ansawdd gwaith contractwyr.

Rydym yn bwriadu recriwtio unigolyn sydd:

• Yn meddu ar drwydded yrru lawn y Deyrnas Unedig
• Yn gyfforddus yn gweithio ar ei ben ei hun ac fel rhan o dîm
• Yn frwdfrydig, yn cymryd cyfrifoldeb ac yn cyfrannu’n gadarnhaol at ddarparu’r gwasanaeth gorau i gwsmeriaid
• Yn abl i gynnal ymweliadau safle ac arolygiadau

Mae’r swydd yn gofyn am lefel gyfyngedig o ruglder yn y Gymraeg.

Am wybodaeth fanwl am y rôl hon, cyfeiriwch at y Disgrifiad Swydd a’r Manyleb Person.

Pecyn Gwybodaeth Tîm Ceredigion

Am ragor o wybodaeth a thrafodaeth anffurfiol ynghylch y swydd hon, cysylltwch â John Davies ar John.Davies2@ceredigion.gov.uk.

Noder: Cedwir yr hawl i ymestyn y dyddiad cau.