Ydych chi’n arweinydd uwch profiadol â chefndir cryf mewn llywodraeth leol, sicrwydd corfforaethol neu wasanaethau rheoleiddio?

Rydym yn chwilio am arweinydd uwch i arwain ein gwasanaeth Polisi, Perfformiad a Diogelu’r Cyhoedd, portffolio corfforaethol craidd sydd wrth galon perfformiad, llywodraethu, gweithio mewn partneriaeth a diogelu’r cyhoedd yng Nghyngor Sir Ceredigion.

Mae’r swydd yn cyfuno arweinyddiaeth strategol ym maes perfformiad a pholisi corfforaethol â chyfrifoldeb strategol a gweithredol dros swyddogaethau diogelu’r cyhoedd, o fewn model arweinyddiaeth ar y cyd sy’n seiliedig ar gyfrifoldeb a rennir a safonau uchel.

Mae’r portffolio’n cynnwys:

Perfformiad a Phartneriaethau

• Partneriaethau a Pherfformiad
• Perfformiad ac Ymchwil
• Cydraddoldeb a Chynhwysiant
• Cwynion a Rhyddid Gwybodaeth
• Partneriaethau Strategol
• Ailsefydlu Ffoaduriaid
• Cynllunio Argyfwng Sifil a Pharhad Busnes

Diogelu’r Cyhoedd

• Safonau Masnach
• Iechyd yr Amgylchedd
• Trwyddedu

Yr hyn y byddwch yn ei wneud

• Gweithredu fel Swyddog Arweiniol Corfforaethol a phrif gynghorydd i’r Cyngor ar berfformiad corfforaethol, polisi, rheoli risg, cydlyniant ac ymgysylltu cymunedol, cynllunio argyfyngau sifil a diogelu’r cyhoedd.
• Darparu arweinyddiaeth strategol a gweithredol dros wasanaethau diogelu’r cyhoedd a rheoleiddio, gan sicrhau cydymffurfiaeth, sicrwydd a hyder y cyhoedd.
• Arwain dull y Cyngor o reoli perfformiad corfforaethol, ymchwil a mewnwelediad, gan gefnogi penderfyniadau sy’n seiliedig ar dystiolaeth.
• Gweithredu fel prif swyddog y Cyngor sy’n cefnogi’r Bwrdd Gwasanaethau Cyhoeddus.
• Darparu arweinyddiaeth strategol o fewn model rheoli ar y cyd, gan sicrhau cyflawni gwasanaethau’n effeithiol drwy gydweithio a chyfrifoldeb a rennir.
• Gweithio’n agos gydag arweinwyr uwch ac aelodau etholedig i gyflawni blaenoriaethau corfforaethol a rennir.

Yr hyn y byddwch yn ei gynnig

• Cymhwyster lefel gradd (neu brofiad cyfatebol) mewn maes perthnasol, gyda thystiolaeth o ddatblygiad proffesiynol parhaus.
• Profiad sylweddol o arweinyddiaeth uwch (lleiafswm o 5 mlynedd) yn arwain gwasanaethau cymhleth, aml‑ddisgyblaethol.
• Dealltwriaeth gadarn o weithio o fewn amgylchedd democrataidd a gwleidyddol llywodraeth leol.
• Hygrededd fel cynghorydd uwch dibynadwy ym maes sicrwydd corfforaethol, perfformiad, partneriaethau neu wasanaethau rheoleiddio.

Yr hyn y gallwn ei gynnig i chi

• Swydd arweinyddiaeth uwch â dylanwad corfforaethol gwirioneddol.
• Diwylliant arweinyddiaeth ar y cyd cefnogol, wedi’i arwain gan werthoedd.
• Cyflog cystadleuol ar radd Swyddog Arweiniol Corfforaethol (dyfarniad cyflog ar y gweill).
• Gweithio hybrid hyblyg a ffocws cryf ar lesiant.
• Pecyn buddion cynhwysfawr.

Gwybodaeth ychwanegol

Disgrifiad Swydd a Manyleb Person

Pecyn Gwybodaeth i Ymgeiswyr

Am wybodaeth pellach a thrafodaeth anffurfiol ynglŷn â'r swydd hon cysylltwch â Elen James ar elen.james@ceredigion.gov.uk

Nodwch: mae’r cyflog a hysbysebir ar gyfer y swydd hon yn amodol ar ddyfarniad cyflog ar y gweill. Bydd y cyflog terfynol yn cael ei addasu yn unol â’r dyfarniad cyflog a gytunir yn genedlaethol.

Rydym yn cadw’r hawl i ymestyn y dyddiad cau.