Mae’r Corff Llywodraethu yn ceisio penodi athro/athrawes frwdfrydig, ymroddedig a hynod gymhellol i ymuno â’n ffederasiwn llwyddiannus a chefnogol o fis Medi.

Rydym yn chwilio am ymarferydd rhagorol sy’n:

• Meddu ar allu profedig i gyflwyno addysgu a dysgu o safon uchel ar draws yr ystod gynradd (y Cyfnod Sylfaen a/neu Gyfnod Allweddol 2).
• Yn dangos disgwyliadau uchel ar gyfer cyflawniad a lles disgyblion.
• Yn ymrwymedig i gydweithio fel rhan o dîm cryf ar draws y ddau safle ysgol.

Yn ogystal, rydym yn awyddus i benodi ymgeisydd sy’n gallu:

• Dangos arbenigedd yn y celfyddydau creadigol, gan gyfoethogi profiadau dysgu ar draws y cwricwlwm ac yn allgyrsiol megis trwy waith yr Urdd.
• Ymrwymiad cadarn i egwyddorion Ysgolion Iach ac Eco ‘Sgolion, gan hyrwyddo iechyd, lles a ffordd o fyw egnïol a chynaliadwy ymysg ein disgyblion. 

Bydd yr ymgeisydd llwyddiannus yn:

• Ysbrydoli disgyblion i gyflawni eu gorau mewn amgylchedd meithringar a chynhwysol
• Cyfrannu at y cwricwlwm ehangach a darpariaeth allgyrsiol
• Cymryd rhan weithredol ym mywyd y ffederasiwn a’i bartneriaethau cymunedol

Rydym yn cynnig:

• Cymuned ysgol gynnes a chefnogol
• Disgyblion brwdfrydig ac ymddwyn yn dda
• Cyfleoedd dysgu proffesiynol eang i gefnogi datblygiad gyrfa
• Ymrwymiad cryf i les staff a chydweithio Mae hon yn gyfle cyffrous i ymuno â ffederasiwn blaengar sy’n ymroddedig i ddarparu profiadau cyfoethog ac ysgogol i bob dysgwr.

Disgrifiad Swydd a'r Manyleb y Person

Croeso i unrhyw ymgeisydd gysylltu a’r Pennaeth, Miss Catryn Lawrence ar 01970 880277 am ragor o wybodaeth.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.