Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym ar hyn o bryd yn edrych i recriwtio Cynorthwyydd Gwaith Cymdeithasol Dros Dro i ymuno â Phorth Gofal, y Tîm Brysbennu ac Asesu Integredig, i weithio gydag unigolion a’u teuluoedd mewn lleoliadau ysbyty a chymunedol, gyda ffocws ar adferiad ac adsefydlu. Mae hon yn rôl gyffrous o fewn y gwasanaeth sy’n rhoi’r cyfle i gynnal asesiadau a gweithredu pecynnau gofal i gefnogi nod ein sefydliad o alluogi cydnerthedd dinasyddion a theuluoedd.

Mae’r rôl yn cynnwys llunio a gweithredu Cynlluniau Gofal a Chymorth sy’n canolbwyntio ar yr unigolyn ac ar ganlyniadau, ac sy’n ymatebol ac yn hyblyg i anghenion sy’n newid.

Porth Gofal yw’r hwb gwneud penderfyniadau integredig ar gyfer Ceredigion sy’n brysbennu ac yn pennu lefel yr angen ym mhob achos a’r canlyniadau gorau ar gyfer yr unigolion hynny. Porth Gofal yw calon y ddarpariaeth gwasanaeth, gan ganolbwyntio ar sicrhau bod Dinasyddion yn cael yr ymyrraeth sydd yn y sefyllfa orau i ddiwallu eu hanghenion neu, fel arall, eu cyfeirio at gymorth cynnar neu wasanaethau arbenigol.

Beth mae Porth Gofal yn ei ddarparu:

• Gwasanaeth ymatebol i Ddinasyddion sy’n byw yng Ngheredigion.
• Mae’n cymhwyso asesiad anghenion sy’n seiliedig ar gryfderau, gan ganolbwyntio ar ddewis a rheolaeth defnyddwyr gwasanaeth drwy ddefnyddio fframwaith Arwyddion Diogelwch.
• Gostyngiad yn yr amser y mae gweithwyr proffesiynol Gofal Cymdeithasol yn ei dreulio yn pennu cymhwystra ar gyfer gwasanaethau statudol.
• Gwasanaeth sy’n cydymffurfio â deddfwriaeth ac sy’n bodloni gofynion statudol y Ddeddf Gwasanaethau Cymdeithasol a Llesiant.
• Gwasanaeth diogel sy’n nodi Dinasyddion bregus ac mewn perygl, ac sy’n ymateb yn effeithiol.

Beth mae Porth Gofal yn ei gyflawni:

• Mae’n darparu gwybodaeth, cyngor a chymorth ynghylch gwasanaethau iechyd a gofal cymdeithasol cymunedol i oedolion, sy’n gwella’r cysylltiad rhwng pobl a’u cymunedau.
• Mae’n annog dull cytbwys o asesu angen, gan sicrhau bod dinasyddion wrth wraidd sgyrsiau a phenderfyniadau, a bod y sgwrs “beth sy’n bwysig” yn digwydd.
• Brysbennu amlddisgyblaethol o atgyfeiriadau i nodi’r gweithiwr proffesiynol cywir i ymateb e.e. ffisiotherapydd, Therapydd Galwedigaethol neu weithwyr gofal cymdeithasol, er mwyn sicrhau’r ymateb cywir ar yr adeg gywir.
• Darparu asesiad mwy cyson a chydgysylltiedig ar gyfer gofal a chymorth.
• Gwella llif gwybodaeth rhwng gwasanaethau, gan arwain at benderfyniadau cyflymach ynghylch anghenion a chymorth pobl.
• Lleihau derbyniadau i’r ysbyty. Mae’n darparu gwasanaeth mewn-gyrhaeddiad i leihau oedi wrth drosglwyddo gofal drwy alluogi rhyddhau pobl o’r ysbyty mewn modd amserol.

Mae ymrwymiad i weithio integredig gyda ffocws ar ganlyniadau adsefydlu cadarnhaol i ddinasyddion yn hanfodol.

Mae’r gallu i deithio ledled y sir yn hanfodol.

Rydym yn edrych i recriwtio unigolyn sydd â:

• HNC/Cymhwyster Nyrsio/NVQ4 mewn Gofal/Diploma Cenedlaethol QCF Iechyd a Gofal Cymdeithasol Lefel 5, K101 neu gymhwyster cyfatebol
• Gwybodaeth am ddulliau ataliol ac ailalluogi sy’n gwella annibyniaeth
• Gwybodaeth am asesu gofal a chynllunio cymorth.

Disgrifiad Swydd a Manyleb y Person

Pecyn Gwybodaeth Tîm Ceredigion

Am ragor o wybodaeth, cysylltwch â: Jackie Roberts (01545 574 108) jackie.roberts@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.