Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae cyfle wedi codi i Swyddog Cymorth i Brosiectau gael ei recriwtio i'r Tîm Swyddfa Prosiect Cymorth Gwasanaethau Corfforaethol ar sail cyfnod penodol llawn amser tan 31ain Mawrth 2028.

Gellir ystyried cyfle secondiad; fodd bynnag, mae hyn yn amodol ar drafodaeth a chymeradwyaeth gan eich rheolwr llinell presennol.

Am y rôl

Bydd gan y Swyddog Cymorth i Brosiectau rôl bwysig wrth weithio o fewn Gwasanaethau Amgylcheddol Priffyrdd i gefnogi'r gwaith o gyflawni Rhaglen y Gronfa Trafnidiaeth Ranbarthol.

Drwy Gyd-bwyllgor Corfforedig Canolbarth Cymru, mae Cyngor Sir Ceredigion wedi sicrhau cyllid grant cyfalaf Llywodraeth Cymru o £6.33 miliwn ym mlwyddyn ariannol 2026-27 i helpu i gyflawni’r Cynllun Trafnidiaeth Rhanbarthol a gymeradwywyd.  Dyma'r flwyddyn gyntaf o gyllid grant y Gronfa Trafnidiaeth Ranbarthol ar gyfer y Rhaglen Bum Mlynedd arfaethedig a gyflwynir yn y Cynllun Trafnidiaeth Rhanbarthol, gyda dyraniadau cyllid dangosol hefyd eisoes wedi'u sicrhau ar gyfer y ddwy flynedd nesaf.

Bydd y rôl yn cefnogi swyddogion arweiniol prosiect sy'n gyfrifol am gynllunio a chyflawni amrywiaeth eang o brosiectau a ariennir gan grant, gan gynnwys seilwaith newydd neu well ar draws Sir Ceredigion – megis cerdded a seiclo; diogelwch ar y ffyrdd; cludiant teithwyr; priffyrdd; a gwefru cerbydau trydan. Bydd y rôl hefyd yn cefnogi datblygiad cyfres o brosiectau, y broses ymgeisio ar gyfer sicrhau cyllid yn y blynyddoedd i ddod a gweithgareddau monitro ac adrodd penodol cysylltiedig, gan gynnwys cefnogi swyddogion prosiect arweiniol i baratoi adroddiadau chwarterol ar gyfer Bwrdd Rhaglen Cronfa Trafnidiaeth Ranbarthol Cyngor y Sir, Pwyllgor Cronfa Trafnidiaeth Ranbarthol y Cyd-bwyllgor Corfforedig a Llywodraeth Cymru.

O ddydd i ddydd, bydd gofyn i ddeiliad y swydd gynorthwyo i ddatblygu, monitro a chynnal a chadw dogfennau sy'n gysylltiedig â'r prosiect ac arwain ar amserlennu, gweinyddu a nodi ystod o gyfarfodydd prosiect. Bydd y rôl yn gofyn am gyfathrebu wyneb yn wyneb, yn ysgrifenedig, ar lafar ac yn electronig gydag ystod o randdeiliaid mewnol ac allanol.

Am yr Ymgeisydd:

Rydym yn chwilio am unigolyn sy'n meddu ar isafswm lefel o gymwysterau o'r canlynol:

• Cymhwyster rheoli prosiect (e.e. Prince2)/rheoli i lefel gradd/NVQ5 neu brofiad cyfatebol y gellir ei ddangos.

Mae'r rhinweddau canlynol sy'n ofynnol ar gyfer y swydd yn cynnwys:

• Dealltwriaeth dda a phrofiad o ddefnyddio amrywiol offer a thechnegau Rheoli Rhaglenni a Phrosiectau.
• Sgiliau TG rhagorol gan gynnwys Excel, Word a PowerPoint.
• Sgiliau rhyngbersonol, cynllunio a threfnu rhagorol gyda gallu rhagorol i flaenoriaethu ac amserlennu llwythi gwaith a gwaith o fewn dyddiadau cau penodol.
• Sylw rhagorol i fanylion, cywirdeb a chysondeb.
• Profiad o weithio mewn Swyddfa Rheoli Rhaglenni / Prosiectau neu mewn amgylchedd tebyg.
• Sgiliau cyfathrebu da i adeiladu perthnasoedd effeithiol gyda rhanddeiliaid mewnol ac allanol.

Ein cynnig:

Credwn fod cydbwysedd rhwng bywyd a gwaith yn bwysig iawn. Er mwyn eich cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar amodau penodol yn cael eu bodloni, gallwch ddewis gweithio gartref neu mewn lleoliad swyddfa er y bydd anghenion y rôl yn gofyn am bresenoldeb rheolaidd yn y swyddfa.
• Amser hyblyg: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad o’r Swydd a Manyleb y Person

Pecyn Gwybodaeth Tîm Ceredigion

Os oes gennych unrhyw gwestiynau neu os hoffech drafod hyn ymhellach, cysylltwch â Meleri.richards@ceredigion.gov.uk

Bydd cyfweliadau yn cael eu cynnal yn ystod yr wythnos sy’n dechrau ar 20 Orffennaf 2026.

Noder: Cedwir yr hawl i ymestyn y dyddiad cau.