Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.
Mae Canolfan Meugan yn Aberteifi yn ganolfan ddydd groesawgar sy’n cynnig adnoddau ar gyfer oedolion ag anableddau dysgu. Rydym am recriwtio Gweithiwr Cymorth gofalgar, brwdfrydig, llawn cymhelliant i ymuno â’n tîm ymroddgar.
Mae’r rôl hon yn cynnig y boddhad o gynorthwyo unigolion i gael mynediad at gyfleusterau a gweithgareddau cymunedol, datblygu sgiliau byw’n annibynnol, a gweithio tuag at y nodau personol a nodwyd o fewn eu cynlluniau gofal a chymorth unigol. Byddwch yn chwarae rhan bwysig yn hyrwyddo annibyniaeth, lles, hyder, a chynhwysiant cymdeithasol.
Mi fydd gan yr ymgeisydd llwyddiannus agwedd bositif a hyblyg, sgiliau rhyngbersonol ardderchog, ac ymrwymiad go iawn i gynorthwyo oedolion ag anableddau dysgu i gyrraedd eu potensial yn llawn.
Mae trwydded yrru lawn yn hanfodol, am fod y rôl yn cynnwys gyrru cerbydau cludiant cymdeithasol i gynorthwyo defnyddwyr gwasanaethau o fewn y gymuned. Darperir hyfforddiant llawn, cymorth parhaus, a goruchwyliaeth gyson.
Mae gofyn bod yn hyblyg, gan gynnwys gweithio’n achlysurol ar nosweithiau a phenwythnosau i fodloni anghenion y gwasanaeth.
Mae’r swydd hon yn amodol ar wiriad DBS manwl.
Disgrifiad Swydd a Manyleb y Person
Pecyn Gwybodaeth Tîm Ceredigion
Rydym yn croesawu ymweliadau â’r ganolfan am sgwrs anffurfiol. Ffoniwch Jessie Wild Canolfan Meugan ar 01239 613293.
Noder: Cedwir yr hawl i ymestyn y dyddiad cau.
Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.