Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym yn edrych i recriwtio unigolyn profiadol a brwdfrydig i ymuno â Gwasanaeth Rheoli Datblygu'r Cyngor.

Yn ddelfrydol, rydym yn chwilio am Swyddog Rheoli Datblygu cymwys a phrofiadol, ond rhoddir ystyriaeth i ymgeiswyr sy’n gweithio yn yr amgylchedd adeiledig, sydd â phrofiad / cymwysterau mewn pensaernïaeth, cadwraeth neu’r dreftadaeth adeiledig.

Mae'r swydd yn cynnig ystod o heriau proffesiynol amrywiol, ond hefyd y gallu i ddylanwadu ar ffurf cymunedau ar draws y Sir yn y dyfodol. Drwy fod yn rhan annatod o uchelgais y Cyngor i ddatblygu a gwella ansawdd bywyd a chyfleoedd i'r trigolion, cydnabyddir pwysigrwydd corfforaethol y gwasanaeth. Bydd disgwyl i chi fod yn greadigol, yn arloesol ac yn gallu dod o hyd i atebion.

O ddydd i ddydd byddwch chi’n:

• Cynorthwyo i baratoi a darparu gwasanaeth cynllunio proffesiynol drwy rheoli datblygiad a defnydd tir yn sensitif o fewn y Sir.
• Prosesu ceisiadau ar gyfer caniatad cynllunio.
• Cynnal ymchwiliad effeithlon ac effeithiol i dor-rheolaeth cynllunio a deddfwriaeth yn y sir a defnyddio ymyriadau gorfodi priodol yn ôl yr angen.

Rydym yn edrych i recriwtio unigolyn:

• Gyda gradd neu gymhwyster tebyg mewn Cynllunio Gwlad a Thref neu bwnc perthnasol arall.
• Gyda dealltwriaeth da o hawliadau datblygu a ganiateir a phrofiad o ddelio ag amrywiaeth o geisiadau cynllunio ac achosion gorfodi
• Gyda’r gallu i gyfathrebu mewn modd gwrthrychol ac yn effeithiol gydag ystod eang o bobl ar lefel amrywiol
• Sydd yn medru gweithio ag ychydig o oruchwyliaeth a gweithio i amser cau tynn.
• Gyda ymrwymiad cryf i ddarparu gwasanaeth o ansawdd uchel i’r cyhoedd ac ymrwymiad cryf i foddhad cwsmer.

Mae'r swydd yn gofyn am rywfaint o ruglder yn y Gymraeg. Sylwch y bydd yr ymgeisydd llwyddiannus heb y sgil Gymraeg ofynnol yn cael cefnogaeth lawn i gyrraedd y safon ofynnol o fewn dwy flynedd i'w benodi.

Disgrifiad Swydd a Manyleb Person

Pecyn Gwybodaeth TîmCeredigion

Am drafodaeth anffurfiol, cysylltwch â Catrin Newbold (Rheolwr Gwasanaeth – Rheoli Datblygu) Rhif Ffon: (01545) 572131.

Noder: Cedwir yr hawl i ymestyn y dyddiad cau.