Mae cyfle wedi codi i recriwtio Uwch Swyddog Cymorth i Wasanaethau i’r strwythur Cymorth Gwasanaethau Corfforaethol, ar sail lawn amser a chyfnod penodol.

Am y Rôl:

Er y bydd y rôl wedi’i lleoli o fewn y Tîm Cymorth Gwasanaethau Corfforaethol, bydd deiliad y swydd yn gweithio gyda gwasanaeth Porth Cymorth Cynnar ac yn darparu cymorth gweinyddol i’r ardaloedd newydd sy’n rhan o ehangu’r rhaglen Dechrau’n Deg. Mae Dechrau’n Deg yn fenter Llywodraeth Cymru sy’n darparu cymorth a chyfleoedd i deuluoedd sydd â phlant o dan 4 oed.

Bydd gofyn i’r Uwch Swyddog Cymorth i Wasanaethau:

• Trefnu a darparu cymorth gweinyddol ar gyfer cyfarfodydd grwpiau llywio, gan gynnwys paratoi agendâu, rheoli presenoldeb a dosbarthu dogfennau cyfarfod.

• Darparu gwasanaeth cynhwysfawr o gymryd cofnodion ar gyfer amrywiaeth o gyfarfodydd amlasiantaethol cymhleth.
• Echdynnu, dadansoddi a chyflwyno data gan ddefnyddio pecyn Microsoft Office, yn benodol Microsoft Excel.

• Cefnogi’r Cydlynydd Rhaglenni Grant yn y gwaith o greu a chynnal cofrestrau darparwyr gofal plant, a chynorthwyo gyda phrosesu taliadau i leoliadau gofal plant.
• Cynorthwyo gyda datblygu cynlluniau gweithredu'r cynllun Dechrau'n Deg yn barhaus.
• Mewnbynnu, cynnal a diweddaru data a gwybodaeth yn gywir o fewn cronfeydd data arbenigol a systemau rheoli gwybodaeth.
• Goruchwylio cyfrifon e-bost cyffredinol ar ran y gwasanaeth a gweithredu yn ôl yr angen.
• Paratoi a dosbarthu dogfennau o dan gyfarwyddyd y gwasanaeth gweithredol.

Am yr Ymgeisydd:

Bydd angen i’r ymgeisydd feddu ar gymhwyster NVQ Lefel 4 mewn Gweinyddu Busnes neu brofiad cyfatebol profedig. Bydd angen sgiliau TG rhagorol arnoch ynghyd â sgiliau rhifedd a dadansoddol da. Dylai’r ymgeisydd llwyddiannus allu gweithio’n effeithiol o dan bwysau i gyflawni terfynau amser a blaenoriaethu tasgau yn unol ag anghenion y gwasanaeth.

Mae’r rhinweddau canlynol yn ofynnol ar gyfer y swydd:

• Y gallu i weithio o dan bwysau i fodloni terfynau amser.
• Y gallu i ddadansoddi effaith problemau a blaenoriaethu gwaith.
• Sgiliau rhifedd a dadansoddol da.
• Dealltwriaeth o ddiogelwch data a sut mae hyn yn berthnasol i ddatgelu data.
• Y gallu i ddelio â gwybodaeth sensitif a allai fod yn peri gofid mewn modd proffesiynol ac aeddfed.
• Sgiliau gwasanaeth cwsmeriaid da, gan gynnwys diplomyddiaeth, tact a’r gallu i ddatrys gwrthdaro.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth, cysylltwch ag: Anwen Thomas, Anwen.Thomas3@ceredigion.gov.uk

Noder: Cedwir yr hawl i ymestyn y dyddiad cau.