Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym yn edrych i recriwtio unigolyn brwdfrydig i ymuno â Gwasanaeth Rheoli Datblygu'r Cyngor ar sail barhaol, amser llawn.

O ddydd i ddydd byddwch chi’n:

• Prosesu ceisiadau cynllunio mân
• Rhoi cyngor cyn ymgeisio i ddatblygwyr mewn perthynas â mân gynigion datblygu.
• Cynghori ar hawliau datblygu a ganiateir.
• Amddiffyn penderfyniadau cynllunio mewn apêl (mân datblygiadau yn unig)
• Cynnal ymchwiliad effeithlon ac effeithiol i dor rheolaeth cynllunio yn y Sir a defnyddio ymyriadau gorfodi priodol yn ôl yr angen (mân datblygiadau yn unig).

Rydym yn edrych i recriwtio unigolyn:

• Gyda gradd neu gymhwyster tebyg mewn Cynllunio Gwlad a Thref neu bwnc perthnasol arall.
• Gyda’r gallu i gyfathrebu mewn modd gwrthrychol ac yn effeithiol gydag ystod eang o bobl ar lefel amrywiol
• Sydd yn medru gweithio ag ychydig o oruchwyliaeth a gweithio i amser cau tynn.
• Gyda ymrwymiad cryf i ddarparu gwasanaeth o ansawdd uchel i’r cyhoedd ac ymrwymiad cryf i foddhad cwsmer.

Mae'r swydd yn gofyn am rywfaint o ruglder yn y Gymraeg. Sylwch y bydd yr ymgeisydd llwyddiannus heb y sgil Gymraeg ofynnol yn cael cefnogaeth lawn i gyrraedd y safon ofynnol o fewn dwy flynedd i'w benodi.

I gael gwybodaeth fanwl am y rôl hon, cyfeiriwch at y Disgrifiad Swydd a'r Fanyleb Person.

Pecyn Gwybodaeth Tîm Ceredigion

Am drafodaeth anffurfiol, cysylltwch â Catrin Newbold (Rheolwr Gwasanaeth – Rheoli Datblygu) Rhif Ffon: (01545) 572131.

Noder: Cedwir yr hawl i ymestyn y dyddiad cau.