Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ymunwch â’n tîm Systemau AD a helpu i gefnogi’r system sy’n sail i gyflogaeth a chyflog ein gweithlu. Mae hwn yn gyfle gwych i ddatblygu sgiliau TG a systemau ymarferol, ynghyd â sgiliau adrodd ar ddata, wrth ennill cymhwyster Lefel 3 cydnabyddedig.

Fel Prentis Gweinyddwr Systemau, byddwch yn gweithio ochr yn ochr â chydweithwyr profiadol i gefnogi gweinyddu, cynnal a datblygu system AD a Chyflogres y Cyngor, gan helpu cydweithwyr ar draws y sefydliad wrth feithrin yr wybodaeth a’r profiad sydd eu hangen ar gyfer gyrfa mewn gweinyddu systemau.

Y rôl

Byddwch yn cefnogi amrywiaeth eang o weithgareddau gan gynnwys:

• Cynnal a datblygu system AD a Chyflogres y Cyngor
• Cynorthwyo gyda ffurfweddu’r system a mynediad defnyddwyr
• Cefnogi cydweithwyr gydag ymholiadau system a datrys problemau
• Profi diweddariadau a gwelliannau i’r system
• Cynorthwyo gyda dilysu data ac adrodd
• Cynorthwyo gyda datblygu canllawiau a deunyddiau cymorth i ddefnyddwyr
• Darparu gwasanaeth cwsmeriaid rhagorol i gydweithwyr ar draws y Cyngor

Y brentisiaeth

Bydd eich prentisiaeth yn para 2 mlynedd ac, ar ôl ei chwblhau’n llwyddiannus, byddwch yn ennill Diploma Lefel 3 mewn Peirianneg Seilwaith Digidol. Bydd yr hyfforddiant yn cael ei gyflwyno drwy gyfuniad o ddysgu yn y gweithle, dysgu ar-lein a gweithdai oddi ar y safle, a all gynnwys teithio achlysurol.

Yr hyn rydym yn chwilio amdano

Rydym yn chwilio am rywun sydd:

• Yn mwynhau defnyddio technoleg ac offer digidol
• Â sylw da i fanylion ac sy’n gallu gweithio’n gywir gyda data
• Yn awyddus i ddysgu a datblygu sgiliau newydd
• Â sgiliau cyfathrebu a threfnu da
• Yn mwynhau gweithio fel rhan o dîm
• Yn ddibynadwy, yn broffesiynol ac yn canolbwyntio ar y cwsmer

Pam ymuno â ni?

Yn ogystal ag ennill cymhwyster gwerthfawr a phrofiad ymarferol yn y gweithle, byddwch yn elwa ar:

• Oriau gwaith hyblyg drwy ein Cynllun Fflecsi
• Cyfleoedd i weithio’n hybrid
• Hawl hael i wyliau blynyddol
• Cynllun Pensiwn Llywodraeth Leol
• Mentora a chymorth penodol drwy gydol eich prentisiaeth
• Cyfleoedd dysgu a datblygu parhaus
• Mynediad at amrywiaeth o gynlluniau disgownt staff a mentrau iechyd a lles

Gwybodaeth bwysig

Sylwch fod cymhwysedd ar gyfer prentisiaeth yn amodol ar feini prawf y darparwr hyfforddiant. Efallai na fydd ymgeiswyr sydd eisoes â chymhwyster lefel uwch, megis HNC, HND neu radd mewn pwnc sy’n ymwneud â TG, yn gymwys i ymgymryd â’r brentisiaeth hon.

Mae hwn yn gyfle gwych i rywun sydd am ddechrau gyrfa mewn TG, gweinyddu systemau, data ac adrodd, gan wneud cyfraniad gwirioneddol at y gwasanaethau sy’n cefnogi ein gweithlu.

Gwybodaeth Ychwanegol

Disgrifiad Swydd a Manyleb Person

Pecyn Gwybodaeth Tîm Ceredigion

Ceir rhagor o fanylion am y brentisiaeth yma:
Peiriannydd Seilwaith Digidol Lefel 3 - Cymhwyster | GCS

Am ragor o wybodaeth cysylltwch â: Gwilym Morgan ar Gwilym.Morgan2@ceredigion.gov.uk

Cynhelir cyfweliadau ar:15.09.2026

Nodyn: Rydym yn cadw’r hawl i ymestyn y dyddiad cau.