Ydych chi'n awyddus i ddechrau gyrfa ym maes cynllunio? Yn barod i helpu i lunio dyfodol Ceredigion? Â diddordeb yn y ffordd mae trefi, pentrefi a chymunedau'n tyfu ac yn datblygu?

Rydym yn chwilio am unigolyn brwdfrydig ac uchelgeisiol i ymuno â'n Gwasanaeth Cynllunio fel Hyfforddai Graddedig. Mae hwn yn gyfle gwych i gael 12 mis o brofiad ymarferol mewn amgylchedd cynllunio proffesiynol, gan weithio ar brosiectau go iawn sy'n gwneud gwahaniaeth i gymunedau ledled y sir. Byddwch hefyd yn cael cefnogaeth i gwblhau cymhwyster rheoli prosiectau PRINCE2 achrededig a rhoi'r hyn a ddysgir ar waith wrth gefnogi blaenoriaethau'r gwasanaeth.

Mae'r Gwasanaeth Cynllunio, sy'n ymdrin â dyletswyddau a gofynion statudol o dan y Deddfau Cynllunio Gwlad a Thref a deddfwriaeth berthnasol arall, yn chwarae rôl hanfodol wrth sicrhau cydbwysedd rhwng datblygu, gwarchod yr amgylchedd a thwf economaidd. Gan weithio ochr yn ochr â gweithwyr cynllunio proffesiynol profiadol, byddwch yn datblygu sgiliau ac arbenigedd ymarferol yn y maes, gan adeiladu sylfaen gadarn ar gyfer gyrfa lwyddiannus ym maes cynllunio.

Beth fyddwch chi'n ei wneud?

• Helpu i ddarparu gwasanaeth cynllunio effeithiol, effeithlon, ymatebol ac o safon uchel.
• Ymgymryd â rhywfaint o waith achos a gwaith ymchwil sy'n ymwneud â pholisi cynllunio.
• Cefnogi swyddogion ar draws y gwasanaeth, gan gynnwys ym maes gorfodi, rheoli datblygu a pholisi cynllunio.

Pwy ydym ni'n chwilio amdano?

• Bydd gennych radd 2:1 neu uwch, a gafwyd o fewn y 3 blynedd diwethaf. Byddai gradd mewn Cynllunio Gwlad a Thref (neu ddisgyblaeth gysylltiedig), neu gyfuniad cyfwerth o wybodaeth a phrofiad ym maes cynllunio, yn arbennig o ddymunol.
• Y gallu i gyfathrebu'n ddiduedd, yn broffesiynol ac yn effeithiol gydag ystod eang o bobl ar wahanol lefelau.
• Y gallu i weithio gyda goruchwyliaeth gyfyngedig ac i fodloni terfynau amser heriol.
• Ymrwymiad cryf i ddarparu gwasanaeth o safon uchel i'r cyhoedd a sicrhau boddhad cwsmeriaid.

Mae'r swydd hon yn gofyn am lefel benodol o ruglder yn y Gymraeg. Fodd bynnag, os nad ydych yn cyrraedd y safon ofynnol ar hyn o bryd, byddwn yn eich cefnogi'n llawn i'w chyflawni ar ôl cael eich penodi.

Beth ydyn ni'n cynnig i chi?

• Rôl graddedig cyflogedig 12 mis gyda phrofiad ymarferol gwerthfawr.
• Cefnogaeth broffesiynol, mentora a datblygiad gan weithwyr cynllunio profiadol.
• Y cyfle i ennill profiad ymarferol ar draws sawl maes cynllunio.
• 27 diwrnod o wyliau blynyddol, ynghyd ag 8 gŵyl banc.
• Gweithio hybrid, yn amodol ar drefniadau gweithio gartref addas ac anghenion y gwasanaeth.
• Amser hyblyg, sy'n eich galluogi i weithio'n hyblyg rhwng 7:30yb a 7:00yh.
• Cyfle i adeiladu'r wybodaeth, y profiad a'r rhwydwaith proffesiynol sydd eu hangen ar gyfer gyrfa lwyddiannus ym maes cynllunio.

Os ydych yn barod i ddechrau gyrfa lle gallwch wneud gwahaniaeth parhaol i gymunedau, tirweddau a dyfodol Ceredigion, byddem wrth ein bodd yn clywed gennych.

Gwybodaeth Ychwanegol

Am wybodaeth fanwl am y rôl hon, cyfeiriwch at y Disgrifiad Swydd a'r Fanyleb Person. Gallwch hefyd ddysgu mwy am y Gwasanaeth Cynllunio a gweithio gyda Thîm Ceredigion yma. Mae rhagor o wybodaeth am y Cynllun Hyfforddeion Graddedig ar gael yma hefyd.

Am sgwrs anffurfiol am y cyfle, cysylltwch â Catrin Newbold (Rheolwr Gwasanaeth – Rheoli Datblygu) ar (01545) 572131.

Cynhelir cyfweliadau o bell ar ddydd Iau, 6 Awst 2026.

Noder fod y cyflog a hysbysebir ar gyfer y swydd hon yn destun dyfarniad cyflog cenedlaethol 2026/2027 sydd heb ei gytuno eto. Bydd y cyflog terfynol yn cael ei addasu yn unol â hynny unwaith y bydd dyfarniad wedi'i gytuno.