Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym yn chwilio am Swyddog Cymorth: Galluogi Gofal drwy Dechnoleg a Gwasanaethau Synhwyraidd, ar gontract parhaol, o dan gyfarwyddyd cyffredinol y Rheolwr Tîm Galluogi Gofal drwy Dechnoleg a Gwasanaethau Synhwyraidd, sydd wedi'i leoli yng Nghanolfan Byw'n Annibynnol Penmorfa, yn Aberaeron.

Bydd yr ymgeisydd llwyddiannus yn gyfrifol am drefnu a chynnal y gwaith o ddosbarthu a gosod offer Teleofal a Thechnoleg Gynorthwyol yng nghartrefi pobl a lleoliadau gofal. Bydd hefyd yn cefnogi preswylwyr sy'n ymweld â Chanolfan Byw'n Annibynnol Penmorfa.

Rydym am recriwtio unigolyn sydd â:

• phrofiad o weithio'n uniongyrchol gydag aelodau'r cyhoedd, defnyddwyr gwasanaeth, gofalwyr ac asiantaethau partner
• y gallu i weithio'n effeithlon, yn annibynnol a rheoli llwyth gwaith amrywiol
• sgiliau ymarferol a thechnegol a diddordeb mewn Galluogi Gofal drwy Dechnoleg (TEC) a Thechnoleg Gynorthwyol
• sgiliau cyfathrebu a rhyngbersonol rhagorol
• y gallu i weithio mewn tîm amlddisgyblaethol a gweithio'n dda gyda staff ar bob lefel
• profiad o ddefnyddio systemau TG a phwysigrwydd cynnal cofnodion cywir
• ymwybyddiaeth o reoliadau Iechyd a Diogelwch
• trwydded yrru lawn a gwybodaeth gyffredinol dda am ddaearyddiaeth Ceredigion

Rydym yn chwilio am unigolyn brwdfrydig ac eiddgar sy'n mwynhau gweithio fel rhan o dîm ac sydd â gwir angerdd dros helpu pobl i fyw'n annibynnol ac yn ddiogel yn eu cymunedau.

Ar ben hynny, bydd gennych chi:

• Hyd at 34 diwrnod o wyliau blynyddol y flwyddyn (ynghyd ag 8 diwrnod o wyliau cyhoeddus)
• Cynllun Pensiwn Llywodraeth Leol
• Cyfleoedd dysgu a datblygu
• Cynlluniau aberthu cyflog gan gynnwys y cynllun Beicio i'r Gwaith
• Mentrau Iechyd a Llesiant gan gynnwys aelodaeth am bris gostyngol i'n canolfannau hamdden lleol
• Mynediad i gynllun disgowntiau ac arbedion ffordd o fyw Vivup

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth, cysylltwch ag Andy Cox - 01970 633335 / Andy.Cox2@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.