Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae Cyngor Sir Ceredigion yn ceisio penodi Rheolwr Tîm – Opsiynau Tai a Gwasanaethau Cymorth profiadol ac ysgogol i arwain swyddogaethau allweddol rheng flaen ym maes tai a digartrefedd, gan gefnogi preswylwyr i gael y cymorth cywir ar yr adeg gywir drwy ein Model Gwasanaethau Integredig Drwy Oes a Llesiant.

Mae’r prif gyfrifoldebau’n cynnwys:

• Arwain a rheoli swyddogaethau Opsiynau Tai, Llety, Cymorth Tai, a Strategaeth a Dyraniadau’r Gofrestr Tai.
• Darparu arweiniad gweithredol arbenigol ar gyfraith digartrefedd, budd-daliadau lles, cyngor dyled/arian, rheoli llety, a gwasanaethau cymorth a gomisiynir.
• Sicrhau bod dyletswyddau statudol yn cael eu cyflawni’n effeithiol, gan gynnwys atal digartrefedd, asesiadau ac adolygiadau, a sicrhau llety dros dro a pharhaol.
• Yrru ansawdd gwasanaeth, rheoli perfformiad, a gwelliant parhaus, gan gynnwys sicrhau ansawdd cadarn a goruchwyliaeth fyfyriol.
• Gweithio’n gydweithredol gyda thimau mewnol a phartneriaid allanol ar lefel leol, ranbarthol ac ar draws Cymru i wella canlyniadau i breswylwyr.

Amdanoch chi: Bydd gennych brofiad sylweddol ym maes tai (o leiaf 5 mlynedd) a phrofiad arweinyddiaeth mewn maes gwasanaeth perthnasol, ynghyd â dealltwriaeth gref o ddeddfwriaeth tai, rheoli perfformiad ac ymarfer person-ganolog (gan gynnwys Signs of Safety). Byddwch yn meddu ar (neu’n gweithio tuag at lle nodir) gymwysterau proffesiynol a rheoli perthnasol, gyda sgiliau cyfathrebu a digidol rhagorol, ac yn ymrwymedig i gydraddoldeb, amrywiaeth a darparu gwasanaeth sy’n canolbwyntio ar y cwsmer. Mae gallu yn y Gymraeg yn hanfodol (neu ymrwymiad i gyrraedd y lefelau gofynnol o fewn dwy flynedd). Mae trwydded yrru lawn yn ofynnol.

Disgrifiad Swydd a Manyleb y Person

Pecyn Gwybodaeth Tîm Ceredigion

Beth rydym yn ei gynnig yn gyfnewid am eich sgiliau a’ch ymrwymiad:

• Cynllun oriau hyblyg
• Gwyliau blynyddol hael
• Cyfraniad pensiwn cystadleuol
• Cyfleoedd hyfforddi a datblygu proffesiynol parhaus i’ch helpu i symud ymlaen yn eich gyrfa gyda ni.

Am fwy o wybodaeth, cysylltwch â Llyr Hughes ar llyr.hughes2@ceredigion.gov.uk

Noder: Cedwir yr hawl i ymestyn y dyddiad cau.