Cyllid
Nid yw’n anghyffredin i unigolion wynebu pryderon ariannol ar wahanol gyfnodau yn eu bywyd – p’un a yw hynny’n delio â dyled, pryderon ynghylch cynilion ymddeol neu’n gwneud i’r gyllideb fisol weithio.
Mae’r cysylltiad rhwng dyled, pryderon ariannol a straen, cynhyrchiant is ac absenoldeb yn cael ei gydnabod fwy gan gyflogwyr ac mae llawer bellach yn chwilio am ffyrdd i gefnogi eu gweithwyr.
Podlediadau
Apiau
Money Dashboard – yn rhoi trosolwg i chi o’ch cyllid ac yn caniatáu ichi gategoreiddio gwariant a gweld arferion Fideos Lles optegol.
Llyfrau
Money Moments: Simple steps to financial well-being gan Jason F Butler – yn darparu mewnwelediadau, dealltwriaeth, ysbrydoliaeth a hyder i wella eich lles ariannol.
Cymorth ar Ddyled
Cyngor ar Bopeth
Os ydych chi’n chwilio am wybodaeth am reoli dyledion, mae gwefan Cyngor ar Bopeth yn lle da i ddechrau. Gallwch hefyd siarad â chynghorydd dyledion Cyngor ar Bopeth a fydd yn cynnig cyngor proffesiynol, diduedd i chi am ddim.
Helpwr Arian
Helpwr Arian
Mae Helpwr Arian yn rhoi cymorth diduedd, am ddim sy’n hawdd dod o hyd iddo, yn hwylus i’w ddefnyddio ac a gefnogir gan y llywodraeth.
Mae Helpwr Arian yn agored i bawb ac mae’n helpu pobl i glirio eu dyledion, lleihau gwariant a gwneud y mwyaf o’u hincwm. Mae Helpwr Arian yn cyflwyno cymorth a gwasanaethau tri darparwr cyfarwyddyd ariannol a gefnogir gan y llywodraeth: Y Gwasanaeth Cynghori Ariannol, Y Gwasanaeth Cynghori ar Bensiynau a Pension Wise
Cynllun Lle i Anadlu
Oeddech chi’n gwybod y gallech chi gael hyd at 60 niwrnod o seibiant rhag talu llog, ffioedd a wynebu achos llys i leihau straen a rhoi amser i chi ddelio â’ch dyledion.
Cynllun y llywodraeth yw Lle i Anadlu, a elwir yn swyddogol yn Gynllun Seibiant Dyledion a allai helpu i leddfu ychydig o’r pwysau a’r straen y mae dyled yn ei achosi.
Step Change
Mae gan Step Change dîm o arbenigwyr dyled sy’n helpu cannoedd o filoedd o bobl y flwyddyn i ddelio â’u problemau dyled. Gyda bron i 30 mlynedd o brofiad, gallwch fod yn hyderus y medrwn gynnig y cyngor a’r cymorth sydd eu hangen arnoch i gyflawni rheolaeth ariannol hirdymor.
Rydym yn cynnig cyngor ar ddyled sy’n hyblyg ac am ddim ac yn seiliedig ar asesiad cynhwysfawr o’ch sefyllfa. Yna, byddwn yn rhoi cymorth a chefnogaeth ymarferol i chi am ba bynnag hyd y mae ei angen arnoch.
Sefydliad Cyngor ar Ddyledion
Mae’r Sefydliad Cyngor ar Ddyledion yn elusen addysg a chyngor ar ddyled genedlaethol gofrestredig sy’n cynnig cyngor a chymorth cyfrinachol, am ddim i unrhyw un sy’n poeni am fenthyciadau, credyd a dyled.
Os oes angen siarad â rhywun yn gyfrinachol arnoch am yr opsiynau sydd ar gael i chi, does dim rhaid aros neu drefnu apwyntiad. Mae ein llinell gymorth cyngor ar ddyled ar agor o ddydd Llun i ddydd Gwener, 8am i 6pm ar 0800 043 40 50.
Iechyd Meddwl a’ch Cyllid
Yn ôl y Sefydliad Polisi Arian a Iechyd Meddwl:
Mae anawsterau ariannol yn achos cyffredin o straen a phryder. Gall y stigma sy’n gysylltiedig â dyled olygu bod pobl yn ei chael yn anodd gofyn am help a gallant fynd yn ynysig. Gall yr effaith ar iechyd meddwl pobl fod yn arbennig o ddifrifol os ydynt yn cael eu gorfodi i dorri’n ôl ar bethau hanfodol fel gwres a bwyd neu os yw credydwyr yn ymosodol neu ansensitif wrth gasglu dyledion.
Os ydych chi’n profi pryderon iechyd meddwl sy’n gysylltiedig â phoeni am arian ar hyn o bryd:
- Mae’r elusen MIND yn rhoi gwybodaeth am y berthynas rhwng pryderon am arian a iechyd meddwl gydag awgrymiadau ar sut i fynd i’r afael â nhw.
- Ymdopi â phryderon ariannol (GIG)
Sefydliad Polisi Arian a Iechyd Meddwl
Lles Ariannol
Mae’r argyfwng costau byw presennol yn golygu bod nifer o bobl yn poeni am gael dau ben llinyn ynghyd. Gall y pwysau hyn wneud drwg. Os ydych chi’n cael pethau’n anodd, mae’n bwysig gwybod bod help wrth law.
Mae cymorth ariannol a chefnogaeth i aelwydydd ar gael.
Edrychwch i weld pa gefnogaeth y gallech fod yn gymwys i’w derbyn i helpu gyda chostau cynyddol nwyddau ac ynni, chwyddiant a phwysau costau byw:
Cymorth a Chefnogaeth yng Ngheredigion
> Grantiau a Chymorth i Unigolion – Cyngor Sir Ceredigion
> Grwpiau Bwyd Dros Ben Ceredigion
Cymorth i Deuluoedd sy’n Gweithio
Mae costau byw yn effeithio ar nifer o rieni a gofalwyr sy’n gweithio ledled y DU. Os ydych chi’n ei chael yn anodd cael dau ben llinyn ynghyd, efallai y bydd y canllawiau ar gymorth ariannol a ganlyn gan Deuluoedd sy’n Gweithio o help.
Undebau Credyd
Cwmni ariannol cydweithredol yw undeb credyd sy’n cynnig cyfleoedd i’w aelodau gynilo, cael benthyciadau ac ystod o wasanaethau, fel y Clwb Nadolig. Cyfyngir yr aelodaeth i bobl sy’n rhannu bond cyffredin, fel lle rydych chi’n byw. Yn wahanol i fanciau, mae undebau credyd yn gwmnïau dielw. Maent yn eiddo i’r bobl sy’n defnyddio eu gwasanaethau felly mae’r pwyslais ar roi’r gwasanaeth gorau i aelodau yn hytrach nag ar gynhyrchu’r elw mwyaf posibl. Fel banciau’r stryd fawr, maent yn cael eu rheoleiddio gan yr Awdurdod Ymddygiad Ariannol. Mae undebau credyd yn apelio at y rhai hynny sydd am roi budd i’w cymunedau neu’n chwilio am wasanaethau ariannol moesegol
Moneysavingexpert.com
Gallwch gael mynediad at gyfarwyddyd a chymorth ar reoli eich arian drwy MoneySavingExpert.com
Mae gwefan am ddim Martin Lewis yn arbed arian i chi. Curwch y system ar gardiau credyd, siopa, cynigion arbennig, morgeisi, y dreth gyngor, taliadau cyfradd llog a mwy. Gallwch hefyd dderbyn y cynigion gorau, canllawiau ac awgrymiadau craff gan Martin Lewis a’r tîm MSE yn uniongyrchol drwy gofrestru i dderbyn e-bost wythnosol.
Gwefannau Defnyddiol
Money to the Masses – cyllid personol a chyngor buddsoddi.
