Ffioedd Rhenti Ffôn – Ymatebion
Crynodeb
Derbyniwyd yr ymatebion canlynol:
Nifer yr ymatebion | |
Ymatebion a oedd yn cytuno â’r cynnig | 1 |
Ymatebion nad oedd yn cytuno â’r cynnig | 4 |
Cyfanswm | 5 |
Ymatebion
Er mwyn bod yn gwbl agored a thryloyw, mae’r ymatebion a dderbyniwyd wedi eu crynhoi/grwpio lle bo hynny’n bosibl. Mae’n bosibl, felly, bod yr ymateb a nodir yn y tabl isod wedi ei aralleirio.
Ymateb | Ateb |
Yn cytuno
Rwy’n cytuno â’r hawl arfaethedig newydd ac yn ei chefnogi |
Mae’r sylw’n cael ei werthfawrogi ac mae wedi ei nodi. |
Costau gweithio gartref
Hoffwn gynnig bod pob aelod o staff sy’n gweithio gartref yn cael taliad am y costau ychwanegol a ddaw yn sgil gweithio gartref yn barhaol e.e. trydan. |
Mae gweithwyr yn gallu hawlio rhyddhad treth o £6 yr wythnos yn uniongyrchol o Dollau a Chyllid Ei Mawrhydi am unrhyw gostau ychwanegol i’r cartref oherwydd ei bod yn ofynnol iddynt weithio gartref. |
Derbyniad gwael
Nid oes derbyniad ffôn symudol yn fy nhŷ/Nid yw’r derbyniad ffôn symudol yn ddibynadwy yn fy nhŷ, felly mae’n rhaid i mi gael ffôn llinell dir er mwyn gwneud a derbyn galwadau at ddibenion gwaith. |
Os yw’r derbyniad ffôn symudol yn annibynadwy yn eu cartref, ni fydd y gweithwyr hynny yn gallu gweithio gartref oni bai eu bod yn sicrhau dulliau cyfathrebu amgen. |
Effeithlonrwydd Cost
Dim ond i nifer cymharol isel mae’r mater hwn yn berthnasol, a thybed faint o arian fydd y Cyngor yn ei arbed drwy weithredu hyn? Ar y llaw arall, faint o niwed fyddai’n cael ei achosi gan hwn, gydag effaith negyddol ar ymddiriedaeth/tegwch rhwng y cyflogwr a’r gweithiwr? Tybed a yw’n werth gwneud hyn? |
Cynnig yr ymgynghoriad yw dileu unrhyw anghysondeb o ran hawliau i lwfansau ar draws y gweithlu. |
Penderfyniad
Gweithredu’r cynnig a bydd y newid yn dod i rym o 1 Ebrill 2021 ymlaen.